15 áskerı qyzmetshi qatysyp jatyr.
Qorǵanys mınıstrliginiń Bitimgershilik daıyndyq ortalyǵynda «BUU shtabtyq ofıserleri» halyqaralyq kýrsy aıasynda ofıserlerdi oqytý uıymdastyrylyp otyr, dep habarlaıdy Almaty-akshamy.kz.
«Atalǵan daıarlyq kýrsyna Qazaqstan, Ulybrıtanıa, Mozambık jáne Pákistannan kelgen 15 áskerı qyzmetshi qatysyp jatyr. Baıandamashylar retinde Halyqaralyq Qyzyl Kres Komıteti Aımaqtyq ókildiginiń ókilderi, sondaı-aq BUU-nyń Kıprdegi mısıasynyń Brıtandyq sarapshysy shaqyrylǵan», - delingen Qorǵanys mınıstrliginiń baspasóz qyzmetiniń habarlamasynda.
Eki apta boıy ofıserler Birikken Ulttar Uıymynyń qamqorlyǵymen bitimgerlik operasıalarda kópultty shtabtar quramynda jumys isteý negizderin úırenedi. «BUU shtabtyq ofıserleri» kýrsy aǵylshyn tilinde ótkiziledi jáne bul kýrs 2018 jyly tıisti halyqaralyq sertıfıkattaýdan ótken.
Tyńdaýshylar sabaq barysynda Birikken Ulttar Uıymynyń qurylymymen, erejelerimen, rásimderimen, sondaı-aq bitimgershilik qyzmetti retteıtin quqyqtyq normalarmen tanysady. Baǵdarlamada josparlaý jáne sheshim qabyldaý úderisterin, BUU mısıalaryndaǵy halyqaralyq shtabtar bólimderi men qyzmetteriniń negizgi fýnksıalaryn zerdeleý de kózdelgen.