Olar ýaqytsha ustaý ızolátoryna qamaldy.
Almatylyq eki turǵynnyń kólikte jasalǵan 20-dan astam urlyq deregine qatysy bar ekendigi dáleldendi, dep habarlaıdy Almaty-akshamy.kz Polisia.kz-ke silteme jasap.
28 jastaǵy G.esimdi azamat pen onyń qurdasy N.esimdi azamat kólik salonynan birneshe urlyq jasady degen kúdikke ilingen.
«Urlyq deregi boıynsha jergilikti turǵyn aryzdandy. Onyń aıtýynsha, belgisiz bireýler Volkswagen Touareg kóligine áınekti syndyrý arqyly kirip, jeke múlkin urlap ketken. Jábirlenýshige keltirilgen shyǵyn 1,5 mln teńgeni quraıdy. Jedel-izdestirý is-sharalarynyń barysynda bizdiń bólimshe qyzmetkerleri urlanǵan zattardy satyp alýshylardyń jáne qaskóıdiń izine tústi. Kúdiktilerdiń aýdanymyzda 10, qalada 20-dan astam qylmys jasaǵany anyqtaldy. Ustaý kezinde olardan, urlanǵan qarý tárkilendi», – deıdi Áýezov aýdandyq polısıa basqarmasynyń bastyǵy Ulan Ábilqaıyr.
Buǵan deıin eki kúdikti de bótenniń múlkin urlaǵany úshin birneshe ret sottalǵany belgili. Qazirgi ýaqytta ustalǵandar urlyq jasaǵandaryn moıyndap jatyr. Olar ýaqytsha ustaý ızolátoryna qamaldy. Atalǵan derek boıynsha QR QK-niń 188-baby 3-bóligine sáıkes sotqa deıingi tergeý amaldary júrgizilýde.