Almatylyq polıseıler birneshe alaıaqtyq faktisine qatysy bar áıeldi ustady.
55 jastaǵy áıel birqatar qyzmet túrlerin alýda ózin deldal retinde “usynǵan” týraly bolyp otyr, dep habarlaıdy Almaty-akshamy.kz Polisia.kz-ke silteme jasap.
«Buryn isti bolǵan kúdikti, jalǵan esimderdi paıdalanyp, belgili bir máselelerdi sheshý úshin azamattardyń aqshasyn zańsyz ıemdengen. Ipoteka jáne memlekettik baǵdarlama boıynsha páter alýǵa, bastapqy júrgizýshi kýáligin alýǵa, oqý oryndaryna túsýge, fakúltetterden aýysýǵa jáne t.b. kómektesýge ýáde berdi. Keıbireýlerge áıel adam aıtqan sharttar tartymdy jáne tıimdi bolyp kórindi. Olar jınaqtaryn deldalǵa berip, onyń ornyna ýádeler men kepildikter alǵan. Qazirgi ýaqytta polısıaǵa 7 adam aryzdanǵan. Ol ustaldy», – dedi Bostandyq aýdandyq polısıa basqarmasynyń bastyǵy Maqsat Qanapáev.
Atalǵan derek QR QK-niń 190-baby 3-bóligi (Alaıaqtyq) boıynsha tergelip jatyr.