Kitaphana dástúrli kitap mádenıeti men zamanaýı sıfrlyq tehnologıalardy ushtastyra otyryp, qala turǵyndaryna arnalǵan kópfýnksıonaldy mádenı ári bilim berý alańy retinde jobalanǵan. Jańa kitaphananyń ashylý saltanatyna Almaty qalasynyń turǵyndarymen qatar qala basshylyǵy, belgili ǵalymdar, birqatar jazýshylar qatysty.
Kitaphananyń baı kitap qory men damyǵan materıaldyq-tehnıkalyq bazasy ártúrli jastaǵy jáne qyzyǵýshylyǵy san alýan oqyrmandardyń suranysyn qanaǵattandyrýǵa múmkindik beredi. Kompúterlik zal, jeke jumys isteýge arnalǵan tynysh oqý aımaqtary, toptyq kezdesýler men shyǵarmashylyq jobalarǵa arnalǵan keńistikter jabdyqtalǵan.
Sonymen qatar, munda oqyrmandardyń jaıly ári tıimdi ýaqyt ótkizýine barlyq jaǵdaı jasalǵan. Erekshe qajettilikteri bar azamattar úshin arnaıy beıimdelgen jumys oryndary qarastyrylǵan. Kórý qabileti tómen oqyrmandarǵa arnalǵan iri qariptegi jáne arnaıy formattaǵy ádebıetter qory jınaqtalǵan.
İs-shara barysynda sóz sóılegen Almaty qalasy ákiminiń orynbasary Abzal Núkenov jańa kitaphananyń qala ómirindegi mańyzyn atap ótti:
«Kitaphana – qalanyń rýhanı tynysyn aıqyndaıtyn oryn. Biz óz tarapymyzdan qala turǵyndaryna jańa bilim nárin sýsyndaýǵa, jan-jaqty damýyna jaǵdaı jasap otyrmyz. Bul kitaphana – tek kitap oqıtyn oryn ǵana emes, oı men ıdeıa toǵysatyn zamanaýı mádenı ortalyq», – dedi Abzal Núkenuly.
Kitaphananyń erekshe jobalarynyń biri – balalar men jasóspirimderdiń kitap oqýǵadegen qyzyǵýshylyǵyn arttyrýǵa baǵyttalǵan «Oqy – oına!» jobasy. Osy joba aıasyndabalalar aımaǵynda PlayStation 5 ornatylyp, oıyn men oqýdy úılestiretin jańa format usynylǵan. Bul bastama balalardy kitaphana keńistigine qyzyqtyrýǵa jáne olardyń oqý mádenıetin erte jastan qalyptastyrýǵa múmkindik beredi.
Saltanatty jıynda ádebıettanýshy, Qazaqstannyń eńbek sińirgen qaıratkeri Qanseıit Abdezuly da óz pikirin bildirip, kitaphananyń tárbıelik jáne mádenımańyzyna toqtaldy:
«Kitaphana – bolashaq oqyrmandytárbıeleıtin mańyzdy mádenı orta. Mundaızamanaýı ári tolyq qoljetimdi keńistiktińashylýy jastardy kitapqa jaqyndatyp, oqyrman mádenıetin jańa deńgeıge kóteredi», – dedi Qanseıit Abdezuly.
Bul bastama Almaty qalasynyń mádenı ınfraqurylymyn damytýǵa, oqyrman mádenıetin jańǵyrtýǵa jáne ulttyń rýhanı qundylyqtaryn nyǵaıtýǵa baǵyttalǵan mańyzdy qadam retinde baǵalanady.
Qalalyq jańa kitaphana Rozybakıev kóshesi 247-úı, 7- blok meken-jaıynda ornalasqan jáne qala turǵyndary men qonaqtary úshin kúndelikti saǵat 08:30-20:00 ýaqyt aralyǵynda demalyssyz jumys isteıdi.