Respýblıkalyq Dostyq Úıiniń ǵımaratynda Qazaqstan Respýblıkasynyń Saýda jáne ıntegrasıa birinshi Vıse-mınıstri Arman Abaıuly Shakqalıevtiń tóraǵalyǵymen Almaty qalasy ákiminiń orynbasary Álisher Elısuly Ábdiqadyrovpen birlesip, bazarlardy jańǵyrtý máseleleri boıynsha bazar ıelerimen jumys kezdesýi ótti, dep habarlaıdy Almaty-akshamy.kz.
Atalǵan keńestiń jumysyna aýmaqtyq memlekettik organdardyń, jergilikti atqarýshy organdardyń basshylary, sonymen qatar Almaty qalasy bazarlarynyń ıeleri qatysty.
Jumys kezdesýi barysynda bazarlardy jańǵyrtý, bankterdiń paıyzdyq mólsherlemesin sýbsıdıalaý, bazarlardy jańǵyrtý merzimderi, bazarlar aýmaǵyna irgeles jatqan turaq oryndarynyń bolmaýy boıynsha problemalyq máseleler talqylandy.
Qazirgi ýaqytta Almaty qalasyndaǵy 44 bazardyń 15-i jańǵyrtýǵa jatady.
Arman Abaıuly bazar ıeleri tarapynan aıtylǵan barlyq suraqtar men usynystardy tyńdap, týyndaǵan máselelerdi jedel sheshý úshin osyndaı kezdesýlerdiń mańyzdylyǵyn atap ótti.
«Ózderińiz biletindeı, "Saýda qyzmetin retteý týraly" zańda Astana, Almaty jáne Shymkent qalalary úshin 2023 jylǵy 1 qańtarǵa deıin, oblystar úshin 2025 jylǵy 1 qańtarǵa deıin merzimder belgilengen. Jańǵyrtý jumystary 2015 jyldan bastap júrgizilýde, alaıda jańǵyrtý jumystary keshiktirildi. Bazarlardy jańǵyrtýdy odan ári iske asyrý jáne ýaqtyly aıaqtaý maqsatynda Mınıstrlik saýda bazarlaryn jańǵyrtý jónindegi Jol kartasynyń jobasyn ázirledi. Jaqyn arada ákimdikterge joldanatyn bolady, sonyń negizinde ákimdikter jobalyq-smetalyq qujattamany ázirleýden bastap jumystardy aıaqtaýǵa deıingi jańǵyrtý barysyn tolyq sıpattaı otyryp, árbir naryq boıynsha óńirlik deńgeıde egjeı-tegjeıli kartalar ázirlnetin bolady. Bul kartalar boıynsha Úkimet tarapynan turaqty monıtorıń júrgiziletinin» - dep atap ótti Qazaqstan Respýblıkasynyń Saýda jáne ıntegrasıa birinshi Vıse-mınıstri Arman Abaıuly Shaqqalıev .
Keńes qorytyndysy boıynsha qala bazarlaryn jańǵyrtýǵa qatysty barlyq aıtylǵan problemalyq suraqtarǵa tolyq jaýaptar berilip, odan ári jumys isteý úshin baqylaýǵa alyndy.