Chempıonat AQSH-tyń Húston qalasynda ótedi
QR Oqý-aǵartý mınıstrligi men «USTEM Robotics» qoǵamdyq qorynyń qoldaýymen ótken «Central Asia FIRST CHAMPIONSHIP – 2023» robototehnıkadan Ortalyq Azıa oıyndary óz máresine jetti, dep habarlaıdy Almaty-akshamy.kz.
AQSH-tyń Húston qalasynda ótetin FIRST dúnıejúzilik chempıonatynda el namysyn 50-ge jýyq oqýshy qorǵaıdy. Olar jeńimpaz atanǵan 4 komandanyń músheleri. Sondaı-aq taǵy 9 komanda Avstralıa, Marokko, AQSH, Indıada ótetin halyqaralyq ashyq chempıonattarǵa joldama aldy.
«Chempıonat úsh jas sanatyna oraı ótti. Kishkentaı balalar sanaty boıynsha Almaty qalasynyń oqýshylarynan qurylǵan Adeptus Mechanicus toby AQSH-tyń ótetin basty jarysqa joldama jeńip aldy. Ortańǵy sanatta basty júldeni Almatylyq «Play 4 Energy» toby ıelendi. Bul sanattarda Shyment qalasynyń Clutch jáne qaraǵandylyq JelToqSun toptary AQSH-tyń Worcester Polytechnic Institute-de ótetin AQSH-tyń ashyq chempıonatyna joldama aldy. Al 12-18 jas sanatyndaǵy basty júldegerler - almatylyq AENTA jáne NIS Kyran toptary. Úsh kúnge sozylǵan saıys tartysty ótti. Jyl saıyn robototehnıkamen aınalysatyn oqýshylar qatarynyń artqany qýantady»,– deıdi USTEM Robotics qorynyń jetekshisi Asylbek Mýrzahmetov.
❕Aıta keteıik, Astana qalasynda aqpan aıynyń 24-26 aralyǵynda «Central Asia FIRST CHAMPIONSHIP – 2023» robototehnıkadan chempıonat ótken bolatyn. Oǵan elimizdiń ár aımaǵynan 1200 oqýshy qatysty. Bıylǵy jarys energıa taqyrybyna arnaldy.