Bul týraly Almaly aýdanynyń turǵyndarymen kezdesý barysynda Almaty ákimi Erbolat Dosaev málimdedi.
«Jambyl kóshesi, 170A mekenjaıynda jańa, zamanaýı Oqýshylar úıi salyndy. 1951 jyly salynǵan eski ǵımarattyń ornyna. Oqýshylardyń jańa úıi kún saıyn 400 balaǵa deıin 2,5 ese kóp bilim berýge múmkindik beredi. Ortalyqta qaýipsizdiktiń, qoljetimdiliktiń jáne jaraqtandyrýdyń barlyq standarttaryn eskere otyryp, qolaıly jaǵdaılar jasalatyn bolady. Robototehnıka, İT, horeografıa, sýret salý, oıyn alańdary, amfıteatr jáne baseın stýdıalary ashylady. Ashylý 2025 jyldyń naýryz aıyna josparlanǵan», - dedi Almaty ákimi.
Sonymen qatar, Erbolat Dosaevtyń tapsyrmasy boıynsha Máýlenov kóshesindegi jeke menshik balabaqsha ǵımaraty memlekettik menshikke qaıtaryldy. Ǵımarat seısmıkalyq kúsheıtýmen jóndelip, onyń bazasynda 100 oryndyq jańa balabaqsha ashylady. Jumystar osy jyldyń maýsym aıynda bastalyp, ashylýy 2026 jyldyń sońyna josparlanǵan.
Eski, tozyǵy jetken ǵımarattyń ornyna Tastaq sh/a-da taǵy 240 oryndyq jańa balabaqsha salynady.