Almaly aýdanynyń turǵyndarymen kezdesý barysynda Almaty ákimi Erbolat Dosaev áleýmettik ınfraqurylymdy damytý boıynsha júrgizilip jatqan jumystar týraly aıtyp berdi, dep habarlaıdy aqshamnews.kz
«Biz bilim berý ınfraqurylymyn jaqsartý boıynsha, negizinen mektepterge qosymsha qurylystar salý jáne qazirdiń ózinde salynǵan mektepterdi jańǵyrtý esebinen belsendi jumys isteýdi jalǵastyrýdamyz. «Jaıly mektep» ulttyq jobasy aıasynda Raıymbek dańǵyly men Áýezov kóshesiniń qıylysynda 1,5 myń oryndyq jańa mekteptiń qurylysy aıaqtalýda. Sáýir aıynda aıaqtalatyn jumystar. Mektep jańa oqý jylynyń basynda ashylady», - dep atap ótti Almaty ákimi.
Sonymen qatar, 2024 jyldyń shildesinde 600 oryndyq №58 mektepke qosymsha qurylys bastaldy. Jumystardy aıaqtaý osy jyldyń jeltoqsan aıyna josparlanǵan.
Bıyl shilde aıynda № 16 mektepke 300 oryndyq qosymsha qurylys bastalady. Jumystardy 2026 jyldyń 1 toqsanynda aıaqtaý josparlanýda.
Sondaı-aq, №134 jáne №135 mektepterdi seısmıkalyq kúsheıtýmen kúrdeli jóndeý josparlanǵan. Jumys 2025 jyldyń tamyzynda bastalady. Budan basqa, №124 jáne №128 mektepterdi rekonstrýksıalaýǵa jáne seısmıkalyq kúsheıtýge jobalaý-smetalyq qujattama ázirlenýde. Jobalaýdy aıaqtaý 2025 jyldyń qyrkúıegine josparlanǵan.
Eske salsaq, 2024 jyly seısmıkalyq kúsheıtýmen №136 mektep ǵımaratyn kúrdeli jóndeý jumystary aıaqtaldy, jańartylǵan mektep ótken jyldyń qyrkúıek aıynda oqýshylarǵa esigin aıqara ashty.