«Vechernıı Almaty» gazeti óziniń 85-jyldyǵy men QR Táýelsizdiginiń mereıtoıyn osylaı atap ótti
Almatyda «Most» bılárd klýbynda buqaralyq aqparat quraldary qyzmetkerleri arasynda «Vechernıı Almaty – 85» ataýymen týrnır ótti, dep habarlaıdy Almaty-akshamy.kz.
Dodany Vechernıı Almaty jáne Almaty aqshamy basylymdaryn shyǵarýshy «Alatau Aqparat» medıaholdıngi uıymdastyrdy. Bas demeýshi – Qazaqstan Respýblıkasy Qurylys salalarynyń Odaǵy. BSF bas tóreshisi, halyqaralyq dárejedegi tóreshi Roman Býzýrhodjaev bastaǵan Qazaqstan Respýblıkasy bılárd sporty federasıasynyń tóreshiler alqasy dodaǵa tórelik jasady. «Vechernıı Almaty» basylymy alǵash ret 1936 jyldyń 23 sáýirinde jaryq kórgen. Búginde onyń tırajy 36 myń danany quraıdy.
Týrnır barysynda belgili bolǵandaı, «Vechernıı Almaty» gazetinde qarymdy qalamgerler ǵana emes, bılárd oınynyń sheberleri de qyzmet etedi eken.
Jarysqa túrli telearnalardan, merzimdi basylymdar men aqparat agenttikterinen 32 ókil qatysty. Barlyq qalam ıeleri men taspagerler bul kúni mıkrofon, dıktofon jáne kompúterdi bılárd tastaıaǵyna almastyrdy.
Bul jarys birneshe týrdan turdy jáne sońyna deıin kimniń jeńimpaz bolatynyn ajyratý ońaı bolmady. Qatysýshylardyń sportqa degen qulshynysy fınal aıaqtalǵansha báseńdemedi.
«Karantınde eki jyl otyrǵannan keıingi bul birinshi ótip otyrǵan jarys. Sondyqtan qıyn boldy. Adamdar bir-birimen kezdesip, shúıirkelesýdi saǵynyp qaldy dep oılaımyn. Qalypty ómirge oralyp, Táýelsizdiktiń 30 jyldyǵy men Jańa jyldy jaqsylap qarsy alý úshin barlyǵymyzǵa vaksına alyp, saý júrgenimiz durys», -dedi «Vechernıı Almaty» gazeti bas redaktorynyń orynbasary Mıhaıl Býrenkov.
«Habar» agenttiginiń teleoperatory Kenje Amraev mundaı týrnırlerge únemi qatysyp júredi. Onyń oıynsha, bılárdta matematıkalyq naqtylyq pen jeńiske degen qulshynys kerek, onsyz kásibı de, áýesqoı oıynshy da jeńiske jete almaıdy.
«El táýelsizdiginiń 30 jyldyǵy qarsańynda qalamyzdyń iri basylymynyń 85 jyldyǵyn atap ótip otyrmyz. Bul erekshe jaǵdaı. Bizdi kásibı mamandyǵymyz qurylys salasynan bólek, sport ta biriktiredi»,– dep atady, Qazaqstan Qurylys salalarynyń Odaǵy basqarmasynyń tóraǵasy, qalalyq máslıhat depýtaty, «Nur Otan» partıasy fraksıasynyń múshesi Eraly Saýranbaev.
Tartysty dodada Eýrazıa birinshi telearnasynyń shef-redaktory
Meımesh Ýmbetalı týrnır jeńimpazy atandy.
Ekinshi oryndy Alatay Aqparat medıaholdıngi bas dırektorynyń orynbasary Nurjan Shyntaev ıelendi.
Úshinshi oryn «Almaty» telearnasynyń operatory Muratbek Almasqanǵa buıyrdy.
Vechernıı Almaty jáne Almaty aqshamy gazetteriniń atynan yntalandyrý syılyqtarymen «Vremá» kúndelikti gazetiniń redaktory Felıks Ǵabıtov jáne «Almaty» telearnasy kontent óndirisi departamentiniń dırektory Almat Ábdiraman marapattaldy.
«Vechernıı Almaty» gazetiniń «Jeńiske degen jigeri úshin» yntalandyrý syılyǵyn «Qazaqstan» telearnasynyń Almatydaǵy fılıaly dırektorynyń orynbasary Rýslan Qosanov ıelendi.
Sonymen qatar bas demeýshi - Qazaqstan Qurylys salalarynyń Odaǵy basqarmasynyń jáne qoldaý tanytqan QR BSF jáne «Most» bılárd klýbynyń arnaıy syılyqtaryn «Jas qazaq» gazetiniń tilshisi Erǵalı Baqash, «Matrısa.kz» portalynyń redaktory Serik Mámbetov jáne «Karavan» gazetiniń menedjeri Rýslan Razámov ıelendi.
Medıaholdıngtiń komersıalyq dırektory Qýanysh Dúskalıev dodanyń bas demeýshisi - Qazaqstan Qurylys salalarynyń Odaǵy basqarmasyna jáne qoldaý tanytqan QR BSF men «Most» bılárd klýbyna alǵys hat pen estelik syılyqtar tabys etti. Týrnırdiń barlyq qatysýshylary shara uıymdastyrýshylary tarapynan «Vechernıı Almaty» gazetiniń kádesyılaryn ıelendi.