Bul 40 myń balanyń sport seksıalaryna tegin barýyna múmkindik beredi.
Almaty ákimi Baqytjan Saǵyntaev Memleket basshysynyń Joldaýyn iske asyrýǵa arnalǵan qalanyń aktıvinde buqaralyq sportty damytý men balalardy dene shynyqtyrý sabaǵyna tartý sharalary týraly aıtty, dep habarlaıdy Almaty-akshamy.kz
Qalanyń barlyq aýdandarynda tegin sport seksıalary jáne úıirmeleri bar 50 demalys ortalyqtary jumys jasaıdy, munda 5,2 myńnan astam adam qamtylǵan.
Jeti sporttyq nysannyń qurylysy júrgizilýde – 6 deneshynyqtyrý-saýyqtyrý kesheni men tenıs ortalyǵy. Jekemenshik uıymdar bes úlken sport nysanyn salyp jatyr. Bul - ústel tenısiniń ortalyǵy, Suńqar HSHTK kesheni, Juldyz shaǵyn aýdanyndaǵy DSK, «Maı vın» DSK, Áýezov aýdanyndaǵy sporttyq kúres ortalyǵy, «Jan dosym» tenıs ortalyǵy.
Atletıkalyq aýyldyń janynan jabyq jeńil atletıkalyq manej salý josparlanýda.
Sport nysandaryn birtindep jalpy quny 3 mlrd teńge bolatyn sporttyq qurylǵylarmen jabdyqtaýdyń jospary daıyndaldy.
«Jan basyna shaqqanda tıimdi qarjylandyrýdy damytý, búdjet qarjysyn paıdalanýdyń tıimdiligin arttyrý, sporttyq ınvestısıa aǵynyn yntalandyrý, materıaldyq-tehnıkalyq bazany nyǵaıtý, jattyqtyrýshylar quramy men kadrlardy damytý jáne talanttardy qoldaý – bizdiń aldymyzda turǵan basty mindetter», - dep atap ótti Baqytjan Saǵyntaev.