Bul jumysqa jergilikti búdjetten eki jarym mıllıard teńge bólingen.
Almatyda turǵyn úı-kommýnaldyq sharýashylyǵyn damytýdyń memlekettik «Nurly jer» baǵdarlamasy aıasynda 135 kóp qabatty úıde 300-den astam lıft jańartyldy, dep habarlaıdy Almaty-akshamy.kz
Bir lıftti aýystyrý úshin shamamen 10 mıllıon teńge qajet. Bul somany turǵyndar 15 jyldyń ishinde qaıtarýy kerek. Osy kúnge deıin bıylǵa josparlanǵan jumystyń 90 paıyzy aıaqtalǵan. Qalanyń turǵyn úı qorynda 5600-den astam lıft bolsa, sonyń áli 400-ge jýyǵy jańartýdy talap etedi. Bul baǵyttaǵy jumys kelesi jyly da jalǵasady.
Mamandardyń pikirinshe, turǵyn úıdegi lıftiler 25 jyldan keıin aýystyrylyp turýy qajet.