Almatyda Almaty qalasy ákiminiń orynbasary Ásem Núsipovanyń, bilim basqarmasy basshysynyń orynbasary Bıbigúl Malǵajdarovanyń, sondaı-aq Qoǵamdyq keńes músheleriniń qatysýymen Jazǵy kanıkýl kezeńinde Almaty oqýshylary demalatyn qala syrtyndaǵy lagerlerge baspasóz-týry ótti, dep habarlaıdy almaty-akshamy.kz.
Qatysýshylardǵa Avat kids camp lageriniń jumys baǵdarlamasy tanystyryldy.
Qala syrtyndaǵy Avast kids camp lageri Eńbekshiqazaq aýdanyndaǵy Avat kentinde ornalasqan. Lagerde eki keń turǵyn úı ǵımaraty, asqana, oıyn jáne toptyq is-sharalar alańy, ashyq kınoteatr, fýtbol jáne basketbol alańdary, eki baseın, at qorshaýy bar.
Lagerdegi baǵdarlama aýqymdy: júzýdi úırený, blog júrgizý, akterlik sheberlik, estradalyq-sahnalyq daǵdylardy damytý. Oqýshylar úshin teńdestirilgen tamaqtaný, belsendi demalys, shyǵarmashylyq konkýrstar men jarystar uıymdastyryldy.
Qazir lagerde 240 almatylyq oqýshy demalady, onyń ishinde «Januıa» mamandandyrylǵan kesheninen 80 tárbıelenýshi bala jáne «Meıirim» ómirlik qıyn jaǵdaıdaǵy balalardy qoldaý ortalyǵynan 12 bala.
Qazirgi ýaqytta Almaty qalasynda 300 myńnan astam bala oqıtyn 215 memlekettik mektep jumys isteıdi. Jyl saıyn Almaty qalasynyń ákimdigi kópbalaly jáne az qamtylǵan otbasylardaǵy balalardyń saýyqtyrý demalysyna qosymsha qarajat bóledi.
«Jazǵy maýsymnyń basynan bastap mektep janyndaǵy, sporttyq jáne kıiz úı lagerlerinde 43 323 bala demaldy. Saýyqtyrý demalysymen 100% jetim balalardy, erekshe bilim berý qajettiligi bar jáne ata-anasynyń qamqorlyǵynsyz qalǵan balalardy, sondaı-aq az qamtylǵan men kópbalaly otbasydan shyqqan balalardy qamtý josparlanýda. Oqýshylar saraıynyń «Órnek» lagerinde 3 maýsymda 900 bala demala alady. Bular-Januıa mamandandyrylǵan kesheniniń tárbıelenýshileri», halyqtyń áleýmettik osal tobynyń balalary, sondaı-aq túrli baıqaýlar men jarystardyń jeńimpazdary. Qala syrtyndaǵy demalys lagerinde 3 myńǵa jýyq oqýshy (halyqtyń áleýmettik osal tobynyń balalary, erekshe bilim berý qajettiligi bar balalar, jetim balalar men ata-anasynyń qamqorlyǵynsyz qalǵan balalar) jergilikti búdjetten 540 mln teńge bólindi. Ótken jylmen salystyrǵanda joldama quny jalpy bilim beretin mektepterdiń balalary úshin 10 500 teńgeden 15 000 teńgege deıin jáne erekshe bilim berý qajettilikteri bar balalar úshin 20 000 teńgeden 30 000 teńgege deıin ulǵaıtyldy», - dedi Almaty qalasy ákiminiń orynbasary Ásem Núsipova.
Jazdyń birinshi aıynda balalar mektep janyndaǵy, sporttyq jáne kıiz úı lagerlerinde demaldy. Baǵdarlamaǵa eksklúzıvti ekskýrsıalar men shyǵarmashylyq sheberhanalar kirdi. Sonymen qatar, 40 myńnan astam balany qamtı otyryp, tegin tamaqtaný uıymdastyryldy. Jazdy qalada ótkizetin balalar memlekettik jáne jeke qosymsha bilim berý uıymdaryndaǵy úıirmeler men seksıalarǵa belsendi qatysýda. Onda úıirmelerdiń 40-qa jýyq túri bar (Oqýshylar saraıy, 7 aýdandyq Oqýshylar úıi, Óner mektebi, 8 mýzyka mektebi, 2 SIT-a).
Aıta ketý kerek, lagerge joldama alǵan balalar demalysqa 100% qatysty. Demalystan bas tartqan jan bolǵan joq. Balalardyń demalystaǵy qaýipsizdigine erekshe mán berildi: qatań sanıtarlyq baqylaý, aýmaqty qorǵaýdy jaqsartý men balalardy únemi medısınalyq tekserýden ótkizý sıaqty qosymsha sharalar qamtyldy.
«Qala mańyndaǵy lagerlerdegi demalys 20 maýsymnan bastalyp, keste boıynsha tamyz aıynyń sońyna deıin jalǵasady. Jyl saıyn «Januıa» mamandandyrylǵan kesheni men «Meıirim» ómirlik qıyn jaǵdaıdaǵy balalardy qoldaý ortalyǵynyń tárbıelenýshileri jazdy qala syrtyndaǵy lagerlerde ótkizedi jáne kúsh jınap, jańa oqý jylyna kirisedi. Sondaı-aq, bıyl balalar jazǵy maýsymnyń bastalýyn asyǵa kútti», - dedi Almaty qalasy Bilim basqarmasy basshysynyń orynbasary Bıbigúl Malǵajdarova.
20 maýsymda Qonaev qalasyndaǵy «Baldáýren» lagerine balalardyń alǵashqy legi keldi. Qapshaǵaı sý qoımasynyń soltústik jaǵalaýynda «Januıa» mamandandyrylǵan kesheniniń erekshe bilim berý qajettiligi bar balalary men Bostandyq aýdany mektepteriniń balalary demaldy. Sondaı-aq, almatylyq oqýshylar Qonaev qalasyndaǵy Jelly fish Camp lagerinde demalady. Buǵan qosa, almatylyq oqýshylar Qonaev qalasyndaǵy JellyfishCamp lagerinde jáne Qaskeleń qalasyndaǵy «Arman Dala» lagerinde demalady.
Qalǵan balalardyń kelýi keste boıynsha tamyz aıynyń sońyna deıin júzege asyrylady.
Esterińizge sala keteıik, bıyl Almatyda 266 myń bala jazǵy demalys kezinde demalyspen jáne jumyspen qamtylǵan. Onyń ishinde 3000-ǵa jýyq bala qala syrtyndaǵy jazǵy saýyqtyrý lagerlerinde demalady.