İske asyrylǵan jobalar men baıqaýlardyń nátıjeleri boıynsha jyl qorytyndysy shyǵaryldy
2022 jyldyń 27 jeltoqsanynda saǵat 11.00-de Qazaqstan Respýblıkasy Memlekettik ortalyq mýzeıinde elimizdegi Balalar jylynyń aıaqtalýyna arnalǵan «Uly dala urpaqtary» atty is-shara ótedi, dep habarlaıdy Almaty-akshamy.kz.
Jyl boıy QR ortalyq mýzeıi balalardy ulttyq qundylyqtarǵa baýlýǵa jáne tarıhı murany zertteýge baǵyttalǵan is-sharalardy júzege asyrdy, kóptegen respýblıkalyq kórmeler, konkýrstar, balalar festıválderi men merekelerin ótkizdi. Ortalyq mýzeıdiń mádenı-bilim berý jumysynda erekshe balalardy qoldaýǵa arnalǵan ınklúzıvti bilim berý baǵdarlamalary jáne oqýshylardy ǵylymı zertteýlerge, jobalyq jumystarǵa tartý maqsatynda baıqaýlar erekshe oryn aldy. İske asyrylǵan jobalar men baıqaýlardyń nátıjeleri boıynsha jyl qorytyndysy shyǵaryldy.
İs-shara baǵdarlamasynda:
- «Meniń qalamdaǵy mýzeı» I respýblıkalyq ǵylymı jobalar baıqaýynyń jeńimpazdaryn kelesi nomınasıalar boıynsha marapattaý:
1. Ult ustazy A. Baıtursynov atyndaǵy nomınasıasy;
2. «Mýzeı qoryndaǵy memleket jáne qoǵam qaıratkerleriniń jáne basqa da jekelegen tarıhı tulǵalardyń mádenı-murasynyń urpaq tárbıesinde alatyn orny»;
3. «Mýzeı jádigeri-rýhanı qundylyq»;
4. «Mýzeı qyzmetiniń mańyzy men máni (mýzeıde qyzmet atqarǵan jáne atqaratyn tulǵalar)».
- Almaty qalasy men Almaty oblysynyń jalpy bilim beretin mektepteri men mektep-ınternattary arasyndaǵy ulttyq oıyndar boıynsha «Mýzeı Kýbogy» spartakıadasynyń jeńimpazdaryn nomınasıalar boıynsha marapattaý: «Asyq atý», «Bes asyq», «Toǵyz qumalaq», «Arqan tartý».
- «Jas ekskýrsıa júrgizýshisi» úıirmesiniń jeńimpazdary men múshelerine sertıfıkattar tapsyrylady.
- Mýzeıdiń ınklúzıvti baǵdarlamalaryn iske asyrý aıasynda erekshe bilim berý qajettilikteri bar balalardyń qoldan jasalǵan buıymdary (sýretter men qoldan jasalǵan zattar) usynylatyn «Ómir aǵashy - shyǵarmashylyq aǵashy» shyǵarmashylyq buryshynyń ashylýy.
- Balalar Kovorkıng ortalyǵynda erekshe balalarǵa arnalǵan «Meniń Otanym – Qazaqstan» mýzeı sabaǵy.
- «Uly dala urpaqtary» respýblıkalyq balalar shyǵarmashylyq kórmesimen tanystyrý.
- Balalar mýzykalyq toptarynyń qatysýymen konserttik baǵdarlama.