Almatyda 1984 jyldan beri paıdalanylyp kele jatqan qubyrdy aýystyrý úshin Baıqadamov pen Gagarın kósheleriniń qıylysynda kólik qozǵalysy shektelmek, dep habarlaıdy almaty-akshamy.kz
2024 jylǵy 19 shildedegi saǵat 23:00-den 22 shildedegi saǵat 9:00-ge deıin Almaty qalasy Bostandyq aýdanynda Baıqadamov jáne Gagarın kósheleriniń qıylysynda avtokólikter úshin qozǵalys jabylady. Eki baǵytta da kólik qozǵalysy jabyq bolady. 
Ýaqytsha shekteýler 1984 jyldan beri paıdalanylyp kele jatqan, jalpy uzyndyǵy 1220 metr bolatyn, atalǵan kóshe boıyndaǵy kólik joly bóliginiń astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizildi.
Bul qubyr 97 kóppáterli turǵyn úıdi, 12 jeke turǵyn úıdi, 4 balabaqshany, 2 densaýlyq saqtaý nysanyn jáne 27 basqa nysandy jylýmen jáne ystyq sýmen qamtamasyz etedi. Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.
«Almaty jylý júıesi» JSHS