Áleýmettik mańyzy bar azyq-túlik taýarlaryna memlekettik baqylaýdy qamtamasyz etý aıasynda, Almaty qalasy Saýda jáne tutynýshylardyń quqyqtaryn qorǵaý Departamenti Almaty qalasy Kásipkerlik jáne ınvestısıalar basqarmasymen birlesip, iri saýda obektileriniń, saýda jelileriniń, sýpermarketterdiń, saýda bazarlary men úı janyndaǵy dúkenderdiń ókilderin saýda zańnamasynyń talaptaryn saqtaý máseleleri týraly, atap aıtqanda, áleýmettik mańyzy bar azyq-túlik taýarlaryna 15% saýda ústemesin saqtaý, naqty resimdelgen baǵa belgilerin kórsete otyryp, taýarlardy ótkizý boıynsha aqparattandyrý jáne túsindirý boıynsha is-sharalar túrinde keshendi jumys júrgizýde, áleýmettik mańyzy bar azyq-túlik taýarlaryna turaqty túrde baǵa belgileý monıtorıńi júrgizilip, saýda sýbektilerine jadynamalar taratylýda.
Departament baǵany turaqtandyrý boıynsha jedel sharalar qabyldaýda jáne qalanyń saýda jelileri men iri sýpermarketterinde ótkizilgen keshendi is-sharalardyń nátıjeleri boıynsha áleýmettik mańyzy bar azyq-túlik taýarlaryna baǵany tómendetý boıynsha oń dınamıka baıqalýda.
Sondaı-aq, azyq-túlik taýarlaryna baǵa belgileýdiń búkil tizbegi boıynsha deldaldyq sqemalardy tergeý jónindegi óńirlik komısıanyń otyrystary turaqty negizde ótkiziledi.
Komısıa aıasynda Departament Komısıa múshelerimen birlesip baǵa belgileýdi baqylaý boıynsha monıtorıńter, saýda ústemesiniń 15% saqtaý boıynsha túsindirý jumystaryn, elektrondyq shot-faktýralarǵa taldaý júrgizedi, buzýshylyqtarǵa jol bergen kásipkerlik sýbektilerine qatysty memlekettik baqylaý fýnksıalary iske asyrylady.
Aǵymdaǵy jyldyń basynan bastap «Ákimshilik quqyq buzýshylyq týraly» Qazaqstan Respýblıkasy Kodeksiniń 204-4-babyna sáıkes, saýda ústemesiniń 15% - dan asqany úshin «Metro Kesh end Kerrı» JSHS, A-stor sýpermarketter jelisi, «Food Beverage Trading» JSHS, My Mart sýpermarketter jelisi, «Mix Market Trade» JSHS, Carefood sýpermarketi, JLC saýda jelisi, «Good Luck Trade» JSHS, «Airba Fresh» JSHS, Stolıchnyı, Iýbıleınyı sýpermarketter jelisi, Bekker sýpermarketter jelisi, Galmart sýpermarketter jelisi sıaqty iri kásipkerlik sýbektilerine jáne ózge de kásipkerlik sýbektilerine qatysty ákimshilik sıpattaǵy sharalar qabyldandy, olarǵa qatysty júrgizilgen jospardan tys tekserýlerdiń nátıjeleri boıynsha jalpy somasy 27 mln.teńgeden asatyn 335 ákimshilik hattama jasaldy.
Sonymen qatar, saýda bazarlarynyń qyzmetin uıymdastyrý boıynsha saýda qyzmetin retteý, saýda oryndaryn berý tártibi men sharttaryn qamtıtyn bekitilgen jumys reglamentiniń bolmaýy máselesi boıynsha qalanyń saýda bazarlarymen túsindirý jumystary júrgizilýde.
Sondaı-aq, qalanyń birqatar saýda bazarlary bekitilgen reglamenttiń bolmaýyna baılanysty «Ákimshilik quqyq buzýshylyq týraly» Qazaqstan Respýblıkasy Kodeksiniń 204-2-babyna sáıkes ákimshilik jaýapkershilikke tartyldy.