27 aqpan kúni Almatyda Azamattyq Alánstyń uıymdastyrýymen tuńǵysh ret 2023 jyldyń «Azamattyq qoǵam úshin» syılyǵyn tapsyrý rásimi ótti, - dep habarlaıdy Alalmaty-akshamy.kz
2010 jyly 27 aqpanda Lıtvada alǵash ret Úkimettik emes uıymdar kúni toılandy. 12 Baltyq teńizi elderi Úkimettik emes uıymdardyń IX forýmynda osy kúni atap ótti. Al BUU 2014 jyly 27 aqpandy Halyqaralyq Úkimettik emes uıymdar kúni etip bekitti. Osylaısha Fınlándıa astanasy Helsınkıde resmı túrde azamattyq qoǵam ókilderiniń merekesin atap óte bastady.
Bul dástúrden Qazaqstan men mádenı ǵana emes, eldiń qoǵamdyq-saıası ortalyǵy Almaty qalasy tys qalǵan joq. Bıyl Almatyda alǵash ret azamattyq qoǵam ókilderi marapattaldy. Shara Almaty qalasy boıynsha Azamattyq alánsynyń uıymdastyrýymen jáne Qazaqstannyń Avtomobıl tasymaldaýshylary men Ekspedıtorlar Odaǵynyń (SAPEK) qoldaýymen ótti.
Syılyqty tabystaý rásimine Almatynyń úkimettik emes uıymdardyń ókilderi, qoǵam qaıratkerleri, azamattyq belsendileri, volonterler, jastar belsendileri, qoǵamdyq pikir kóshbasshylary, qoǵamdyq sektorda jazatyn bloger men jýrnalıser qatysty. Sonymen qatar Almaty qalasy Qoǵamdyq damý basqarmasynyń basshysy Aıdar Esenbekov, Almaty qalasy boıynsha Azamattyq aláns uıymynyń basshysy Qaıyrjan Ábdiqalyqov qatysty. Al Májilis depýtaty Erlan Stambekov jáne senator Janna Asanova onlaın baılanys arqyly qalalyqtardy merekemen quttyqtady.
Azamattyq belsendiler 12 nomınasıa boıynsha marapattaldy. Mundaı ıgi bastamaǵa Almaty qalasynan saılanǵan Erlan Stambekov muryndyq boldy. Uıymdastyrýshylar men azamattyq qoǵam ókilderi bastamany ózge aımaqtar da qoldaıdy degen úmitte.
