Almatyda nesıe berý salasynda azamattardy aldaǵan áıelder ustaldy, dep habarlaıdy Almaty-akshamy.kz
Atap aıtqanda, 19 jáne 30 jastaǵy kúdiktiler tutynýshylyq jáne taýarlyq nesıe alýda “kómekshi” retinde áreket etken.
– Kúdiktiler ınternet alańdarynda jumys istegen. Tergeýdiń osy kezeńinde olardyń 8 alaıaqtyq faktisine qatystylyǵy anyqtaldy. Áıelder jeli qoldanýshylardy habarlandyrý saıty arqyly aýqymdy nesıelendirý salasyndaǵy ózderiniń “múmkindikteri” týraly habardar etti. Klıentterge taýarlyq nesıeni rásimdegennen keıin bul týraly aqparat esh jerde jazylmaıdy jáne qaryz ózdiginen joıylady dep ýáde berdi. Mysaly, olar mıllıon teńgege nesıe alǵan bolsa, onyń 100 myńy nesıe rásimdeýshige berilip, qalǵanyn ózderine qaldyrǵan, – deıdi Jetisý aýdandyq polısıa basqarmasy bastyǵynyń orynbasary Asqat Dáýletıarov.
Bul fakt sotqa deıingi tergeýdiń biryńǵaı tizilimine QR QK-niń 190-baby 1-bólimine sáıkes qylmystyq quqyqbuzýshylyq belgileri boıynsha tirkeldi.