20 jastaǵy jigit qart áıeldi tonap ketti
Bul oqıǵa tańerteń Markov pen Tımırázev kósheleriniń qıylysynda oryn alǵan. O.esimdi azamat kúsh qoldanyp, ótip bara jatqan adamnyń jeke múlkin urlap ketken, dep habarlaıdy Almaty-akshamy.kz
«Mas jigitte qylmystyq jospar birden paıda boldy. Onyń áreketin eshkim baqylap turmaǵanyna kóz jetkizip, jábirlenýshiniń janyna júgirip kelip, ıyǵyna soqqy jasaǵan. Áıel qulaǵan kezde ony ári qaraı uryp-soǵyp, odan keıin qolynan aqshasy men uıaly telefony salynǵan sómkesin julyp alyp, qashyp ketken. Jábirlenýshi birden polısıaǵa júgindi, bul durys sheshim boldy. Júrgizilgen jedel izdestirý is-sharalarynyń barysynda kúdikti sol kúni qamaýǵa alyndy. Ol urlyq jasaǵanyn moıyndady. Qazirgi ýaqytta ustalǵan azamattyń jalpy Almaty qalasynda buryn jasalǵan osyǵan uqsas qylmystarǵa qatysy bar-joǵy tekserilýde. Qylmystyq is QR QK-niń 191-baby 2-bóliminiń 1-tarmaǵy boıynsha tergelýde», – dedi Bostandyq aýdandyq PB janyndaǵy polısıa bóliminiń bastyǵy Ǵalym Qasymbaev.