24 tamyzda T. esimdi azamatsha Bostandyq aýdandyq polısıa basqarmasyna júgindi. Onyń aıtýynsha, belgisiz adamdar kúıeýine tıesili Toyota Land Cruiser 200 kóligin avtoturaqtan urlap ketken.
Atalǵan derek QR QK-niń 188-baby 4-bóligine sáıkes sotqa deıingi tergeýdiń biryńǵaı tizilimine tirkeldi, dep habarlaıdy Almaty-akshamy.kz Polisia.kz-ke silteme jasap.
Tergeý jáne izdestirý is-sharalarynyń barysy İshki ister mınıstri men Almaty polısıa departamenti basshylyǵynyń erekshe baqylaýyna alyndy.
«Bul qylmysty ashý maqsatynda jedel tergeý toby quryldy. Jedel sharalardyń nátıjesinde qylmys ashyldy. Buryndary aýyr qylmys jasaǵany úshin birneshe ret sottalǵan, Shyǵys Qazaqstan oblysynyń týmasy – 34 jastaǵy T. esimdi azamat ustaldy. Onyń sybaılastarymen birge qylmysqa tyńǵylyqty daıyndalǵandyǵy anyqtaldy: olar birneshe kún boıy nazarlaryna alǵan jol talǵamaıtyn kóliktiń júrý baǵytyn qadaǵalap, urlyq jasaýǵa qolaıly jerdi tapqan. Sot sanksıasymen kúdikti qamaýǵa alyndy», – dedi Almaty qalalyq PD Tergeý basqarmasynyń bastyǵy Muhamedáli Seısenuly.
Sonymen qatar, urlanǵan kólikti satyp alýshy da anyqtaldy, oǵan T.esimdi azamat sálden soń kóliktiń nómirleri men qujattaryn ákelip berýge ýáde berdi. Qaskóı bul kólikti naryqtaǵy baǵasynan úsh ese arzanǵa satyp jibergen. Urlanǵan kólik Óskemen qalasynan tabyldy.
«Kólik Almatyǵa jetkizildi jáne ıesine tabystaldy. Qazirgi ýaqytta qylmystyń basqa da qatysýshylaryn anyqtaýǵa jáne olardy odan ári ustaýǵa baǵyttalǵan keshendi jedel izdestirý sharalary júrgizilýde. Sotqa deıingi tergeý jalǵasyp jatyr», – dedi Seısenuly.