Almaty qalasynyń áýejaıyndaǵy jelilik polısıa bóliminiń qyzmetkerleri Almaty – Dýbaı, Almaty – Praga jáne Almaty – Gonkong halyqaralyq baǵyttary boıynsha áýejaıdaǵy ýaqytsha saqtaý qoımasy aýmaǵynda urlyqpen aınalysqan 29 jastaǵy azamattyń qylmystyq áreketiniń jolyn kesti.
Ustalǵan azamat áýejaıdyń ýaqytsha saqtaý qoımasynda júk tıeýshi bolyp jumys istep júrip, osy jyldyń qańtar-naýryz aılary aralyǵynda jalpy somasy 7 645 371 teńge quraıtyn múlikti urlaǵan, dep habarlaıdy almaty-akshamy.kz.
Kólik polıseılerimen jedel tártipte urlyq faktisi boıynsha sotqa deıingi tergep-tekserý júrgizýi barysynda zattaı dáleldemeler tárkilendi.
Almaty qalasy Túrksib aýdandyq sotynyń úkimimen quqyq buzýshy barlyq aýyr faktiler boıynsha kináli dep tanylyp, oǵan 3 jyl 6 aıǵa bas bostandyǵynan aıyrý jazasy taǵaıyndaldy.
Óz kezeginde, elimizdiń áýe kóligi qyzmetterin paıdalanatyn azamattarǵa jeke zattaryna qyraǵy bolýdy, saqtyq sharalaryn saqtaýdy, quqyq buzýshylyq anyqtalǵan jaǵdaıda quqyq qorǵaý organdaryna dereý habarlaýdy taǵy da eske salamyz.