Etnıkalyq qazaqtar úshin kartany berý tártibi bekitildi.
Almatyda ótken halyqaralyq semınar-forýmda «Ata joly» kartasy tanystyryldy, dep habarlaıdy Almaty-akshamy.kz
Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy Asqarbek Ertaev qazaq dıasporasymen jáne sheteldegi qandastarmen ózara is-qımyl jónindegi halyqaralyq semınar-forýmǵa qatysyp, basqa elderdiń azamattary sanalatyn etnıkalyq qazaqtar úshin «Ata joly» kartasyn tanystyrdy.
Almaty qalasynda ótken semınarǵa «Otandastar qory» KEAQ, «Dúnıejúzilik qazaqtar qaýymdastyǵy» RQB, «Halyqaralyq baǵdarlamalar ortalyǵy» AQ ókilderi, Armenıa, Ázirbaıjan, Grýzıa, Qyrǵyzstan jáne Reseı Federasıasynyń sarapshylary jáne basqalar qatysty.
Asqarbek Ertaev tanystyrǵan «Ata joly» kartasy – tarıhı otanymen baılanysty nyǵaıtýǵa, ulttyq dástúrlerdi saqtaýǵa, sondaı-aq elge kásibı mamandar men tabysty bıznesmenderdi tartýǵa baǵyttalǵan yntymaqtastyq pen ózara is-qımyldyń jańa quraly.
Kóshi-qon saıasaty tujyrymdamasyn iske asyrý aıasynda biz shetelde tabysty bıznes-keısteri bar etnıkalyq qazaqtar úshin «Ata joly» kartasyn berý tártibin bekittik. Búginde «Ata joly» kartasyn beretin 50 etnıkalyq qazaqtyń aldyn ala tizimi qalyptastyryldy, – dedi komıtet tóraǵasy.
Plenarlyq sesıalar men ınteraktıvti pikirtalastar barysynda Qazaqstannyń áleýmettik-ekonomıkalyq jáne mádenı damýyndaǵy dıasporanyń áleýetti úlesi men róline kózqaras usynyldy. Sondaı-aq qazaq dıasporasymen jáne sheteldegi qandastarmen komýnıkasıalyq strategıany odan ári ilgeriletý jáne pysyqtaý jónindegi qadamdar ázirlendi.