Indýstrıaldy aımaqqa 211,7 mlrd teńgeni quraıtyn jobalary bar 54 kompanıa kiredi.
QR Táýelsizdiginiń 30 jyldyǵy men Astana kúnine oraı Almaty qalasynyń Indýstrıaldy aımaǵynda jańa úsh ónerkásip orny ashyldy, dep habarlaıdy Almaty-akshamy.kz.
«Rahat SK» JSHS men «G.S.G. Vysotnık» JSHS avtoklavty gazbeton óndirý zaýyttary áleýmettik jáne komersıalyq turǵyn úıdiń iri qurylys kompanıalaryn sapaly qurylys materıaldarymen qamtamasyz etedi. Ónimderdi shyǵarýda memlekettik standarttarǵa sáıkes jergilikti shıkizat qoldanylady.
«SK Rahat» JSHS óndirisiniń 1 kezeńiniń qurylysyna 1,5 mlrd teńge ınvestısıa salyndy. Kásiporyn jylyna 180 myń tekshe metr ónim shyǵarýdy josparlap otyr. Sondaı-aq, 40 jańa jumys orny ashylady. «G.S.G. Vysotnık» JSHS ınvestısıa somasy 1,7 mlrd. teńgeden asty. Óndiris qýattylyǵy jylyna 100-120 myń tekshe metrden astam ónim shyǵarady jáne 85 jańa jumys orny ashylady.
Astana kúnine oraı «ADS industries»JSHS óndiris parkiniń birinshi kezeńi iske qosyldy. «ADS industries» JSHS Almaty qalasynyń ákimi B. Saǵyntaevtyń tapsyrmasymen «Almaty Business-2025» óńirlik baǵdarlamasyna qatysýshysy bolyp tabylady.
Kompanıa óndiristik parktiń qurylysyna shamamen 150 mln.teńge ınvestısıa quıdy. Birinshi kezeńde 1, 5 myń sh.m. engizildi, onda jeńil, metal óńdeý jáne jıhaz ónerkásibin óndirýshi shaǵyn jáne orta kásipkerliktiń alty sýbektisi ashylady. Óndiristik parktiń jalpy alańy 4, 5 myń sh.m. quraıdy, onda 160 jańa jumys orny ashylady.
Eske salsaq, osy jyldyń birinshi toqsanynda Indýstrıaldy aımaqta qýaty jylyna 25 000 tonnadan astam ónim shyǵaratyn ári 80 adamdy jumyspen qamtyǵan «KMK Investment» JSHS mys jáne alúmını symyn shyǵaratyn zaýyt ashylǵan bolatyn. Joba quny – 11,3 mlrd teńge.
Osy jyldyń sońyna deıin Almaty qalasynyń Indýstrıaldy aımaǵynda 7 ónerkásip ornyn ashý josparlanyp otyr. Onyń jalpy somasy 37,8 mlrd teńgeni quraıdy jáne 658 adamdy jumyspen qamtıdy.
Búginde 16 joba iske asýda. Olardyń jalpy somasy 78,2 mlrd teńgeni quraıdy, 2,5 myńǵa jýyq adamdy jumyspen qamtyǵan.
Aıta keterligi, Indýstrıaldy aımaqqa 211,7 mlrd teńgeni quraıtyn jobalary bar 54 kompanıa kiredi, olar 6,2 myń jańa jumys ornyn ashýdy josparlaýda.