Saǵadat Nurmaǵambetov atyndaǵy Qurlyq áskerleriniń áskerı ınstıtýtynda memlekettik emtıhandar bastaldy.
Túlekterdiń bilimi men daǵdylaryn obektıvti, jan-jaqty baǵalaý, olardyń qyzmet atqarýǵa daıyndyǵyn tekserý úshin ınstıtýtqa QR Qorǵanys mınıstrliginen komısıa keldi, dep habarlaıdy aqshamnews.kz.
Emtıhan sesıasy «Álı» oqý ortalyǵyndaǵy saptyq baıqaýdan bastaldy. Symdaı tizilgen kýrsanttar aldaǵy kúrdeli synaqtarǵa daıyn ekendikterin kórsetti.
– Elimizdiń qorǵanys qabileti jas ofıserlerdi oqytý sapasyna baılanysty. Olar – armıamyzdyń bolashaǵy. Túlekter muqıat daıyndyqtan ótti. Endi óz bilimderin rastaıtynyna jáne qoıylǵan mindetterdi laıyqty oryndaıtynyna senimdimin, – dedi ınstıtýt bastyǵy general-maıor Baýyrjan Ibatýlın.
Synaq barysynda teorıalyq bilim, praktıkalyq daǵdylar, taktıkalyq oılaý deńgeıi jáne túlekterdiń urysqa barynsha jaqyn jaǵdaılarda salmaqty sheshim qabyldaý qabileti baǵalanady.
Atestattaý aıaqtalǵannan keıin dıplomdy mamandar «leıtenant» alǵashqy ofıserlik ataǵyn alyp, Qarýly kúshter qatarynda qyzmetin jalǵastyrady.