Almaty qalasynda Jastar sayasaty basqarmasynyń qoldauymen jáne «Jauhar» ūlttyq salt-dástúrdí qoldau qorynyń ūıymdastyruymen Memlekettík rámízder kúníne oraı «IQ-ALA JASTARY» qalalyq zıyatkerlík oıynynyń fınaldyq kezeńí óttí, dep habarlaıdy aqshamnews.kz
Jobanyń maqsaty – jastardyń bílímge degen qūshtarlyǵyn arttyru, synı jáne logıkalyq oılau qabíletterín damytu, shyǵarmashylyq áleuetín shyńdau, sondaı-aq ūlttyq qūndylyqtardy nasıhattau. Bıyl jobaǵa qala boıynsha 1000-nan astam jas qatysqan.
Zıyatkerlík oıyn tórt negízgí lıga boıynsha ūıymdastyryldy:
1. Studenttík lıga – joǵary oqu oryndary men kolledj studentterí arasynda;
2. Belsendí jastar lıgasy – komyunıtı ortalyqtarynyń rezıdentterí, jastar ombudsmenderí, úkímettík emes ūıym ókílderí men shyǵarmashyl jastar arasynda;
3. Jūmysshy jastar lıgasy – ártúrlí salada eńbek etetín jastar arasynda;
4. Jastar lıgasy – ártúrlí áleumettík toptaǵy jastar arasynda.
Ár lıgada úzdík atanǵan komandalar fınaldyq kezeńge joldama alyp, barlyǵy 19 komanda bílím, logıka jáne tapqyrlyq boıynsha ózara baq synasty.
«IQ-ALA JASTARY» jobasynyń bıylǵy júlde qory 1 000 000 teńgení qūrady.
Tartysqa toly fınal nátıjesínde jeńímpazdar kelesídeı anyqtaldy:
· I oryn – «A-team» komandasy (500 000 teńge);
· II oryn – «Aqqu, shortan hám shayan» komandasy (300 000 teńge);
· III oryn – «Dostar» komandasy (200 000 teńge).
«Komandamyz bírneshe jyldan berí bírge oınap keledí. Almatydaǵy túrlí ıntellektualdy jarystarǵa qatysqan tájírıbemíz bar. Keı sūraqtar, ásírese tarıhı tastarǵa qatysty, kúrdelí boldy. Bíraq ádíl árí tartysty ótken oıynnyń ruhy erekshe áser qaldyrdy», – dedí «Aqqu, shortan hám shayan» komandasynyń múshesí Shūǵyla Búrlíbaeva.
«IQ-ALA JASTARY» zıyatkerlík jobasy jastar arasynda úlken qyzyǵushylyq pen qoldau tapty. Ūıymdastyrushylar jobany aldaǵy jyldary dástúrlí túrde ótkízíp tūrudy josparlap otyr. Bıylǵy qatysushylar sany men jastardyń belsendílígí būl jobanyń ózektílígín jáne jastardyń zıyatkerlík damuǵa degen joǵary yntasyn aıqyn kórsettí.
Sonymen qatar, joba ayasynda jastardyń bos uaqytyn tıímdí ūıymdastyru maqsatynda tımbıldıngter, semınarlar jáne basqa da mazmūndy ís-sharalar ótkízíldí. Būl baǵdarlama qatysushylardyń jeke jáne komandalyq áleuetín damytuǵa baǵyttaldy.