Oqýshylardyń toqsandyq demalysy aıaqtaldy.
Ekinshi toqsan qarsańynda Almaty polısıasy kompúterlik klýbtardy tekserdi. “Mektep” jedel aldyn alý is-sharasy aıasynda jergilikti reıdter uıymdastyryldy, dep habarlaıdy Almaty-akshamy.kz Polisia.kz-ke silteme jasap.
«Túngi reıdterdiń negizgi baǵyttary – túngi ýaqytta oıyn-saýyq mekemelerinde zańdy ókilderinsiz júrgen 18 jasqa deıingi jasóspirimderdi anyqtaý, balalardyń qaraýsyz qalýynyń jolyn kesý jáne kámeletke tolmaǵandar arasyndaǵy quqyq buzýshylyqtyń aldyn alý. İs-shara kezinde ınspektorlar oıyn-saýyq mekemelerin tekseredi, kámeletke tolmaǵandar turatyn qolaısyz otbasylarǵa barady, profılaktıkalyq esepte turǵan jasóspirimderdiń úıine kirip shyǵady, sondaı-aq jasóspirimder shoǵyrlanǵan oryndarǵa barady. Eń ózektisi kompúterlik klýbtar, bizdiń ınspektorlar birinshi sol jaqty tekseredi. Tájirıbe kórsetkendeı, keıbir balalar túni boıy oıyn oınap otyrady», – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Serik Shýmaev.
İs-sharany ótkizý kezeńinde İİO-ǵa ártúrli quqyq buzýshylyqtary úshin 208 kámeletke tolmaǵandar jetkizildi, olardyń kópshiligi ákimshilik quqyq buzýshylyq jasaǵandar.