Kezdesýge Almaty qalasy ákiminiń orynbasary Arman Qyryqbaev, qalalyq sport basqarmasynyń basshysy Erden Haırýllın jáne jumys tobynyń músheleri qatysty.
Almatyda 2 qyrkúıek kúni ata-analar, ArtSportEdu jetkizýshiler qaýymdastyǵynyń músheleri jáne qalalyq ákimdik qyzmetkerleri kezdesýleriniń qorytyndysy boıynsha qurylǵan jumys tobynyń otyrysy ótti, dep habarlaıdy Almaty-akshamy.kz
Talqylaý barysynda baǵdarlamany qarjylandyrýdyń problemalyq máseleleri jáne qoldanystaǵy artsport.edu.kz platformasynyń ákimdik anyqtaǵan olqylyqtary qaraldy.
Kezdesý qorytyndysy boıynsha kelesi sheshimder qabyldandy:
1) Almaty qalasynyń máslıhatyna memlekettik sporttyq jáne shyǵarmashylyq tapsyrys berýshiler aldynda paıda bolǵan nesıelik qaryzdy óteý úshin qarjy bólý máselesin qaraýdy naqty usyný;
2) Qala ákimdigi anyqtaǵan artsport.edu.kz.platformasynyń olqylyqtaryn joıý úshin júıeni ázirlegen SoftDeCo JSHS dırektory S. Alabýgındi jáne/nemese onyń Almatydaǵy ýákiletti tulǵasyn talqylaýǵa shaqyrý.
Hattamaǵa jumys tobynyń myna músheleri qol qoıdy: O.Iý. Arınbasarova (RQB Artsprot.kz (jetkizýshiler qaýymdastyǵy), G.N.Týsıbıanova (jetkizýshiler qaýymdastyǵy) jáne I.Iý. Nıkonova (Alemmedia JK jetkizýshisi).