İs-shara 2024 jylǵy 15 qarashada Almatydaǵy Bas Botanıkalyq baqta ótedi.
"Arkalan" petroglıfter parki — Almaty qalasynyń Bas Botanıkalyq baǵy men "Petroglıfterdi izdeýshiler" qoǵamdyq uıymynyń birlesken jobasy. Bul Qazaqstan tarıhyndaǵy túrki dáýiriniń petroglıfteri beınelengen biregeı art-obektiler galereıasy. Ony belgili petroglıfshi sýretshi Sanjar Jubanov pen músinshi Saıd Aınekov jasap shyǵardy. Dala florasynyń koleksıasy sýretter salynǵan jartas aınalasyndaǵy ekojúıeni qaıta jańǵyrtady.
Park konsepsıasy Zıra Naýryzbaıdyń qatysýymen ázirlengen.
Joba Eýrazıalyq bank, DNA Payments tólem kompanıasy, FUNK kreatıvti agenttigi jáne DDA komýnıkasıalyq agenttiginiń qoldaýymen iske asyryldy.
15 qarashadaǵy shara barysynda Petroglıfter parki tanystyrylyp, tarıhshylar men sýretshilerdiń qyzyqty áńgimeleri, dástúrli qazaq mádenıeti boıynsha sheberlik synyptary, kóńildi baǵdarlamalar jáne shaı dastarhany ótedi.
Saltanatty ashylý rásimi Botanıkalyq baqtyń "Arkalan" petroglıfter parki ornalasqan aımaǵynda ótedi.
Kirý tegin.
Kezdesý orny — Almatydaǵy Bas Botanıkalyq baqtyń soltústik kireberisi.