Almaty qalasy Jumyspen qamtý jáne áleýmettik baǵdarlamalar basqarmasynyń "Shańyraq" jáne "Alataý" áleýmettik qyzmetter ortalyǵynda Naýryz merekesine arnalǵan konserttik baǵdarlama ótti. Onyń kórermenderi qala ardagerleri, múmkindigi shekteýli jandar, neıropsıhıatrıalyq aýrýlary bar balalar jáne basqa da shaqyrylǵan qonaqtar boldy.
"Shańyraq" ortalyǵynyń qonaqtarynyń aldynda Qazaqstan estrada juldyzdary Tóreǵalı Tóreáli, Qanat pen Aıtkúl Qudaıbergenovter, Gúlmıra İzbasqan, Muhtar Hanzada, "Beren" toby, Erbolat Qudaıbergenov, jas ártister, "Qazaq analary - dástúrge bastar jol" qoǵamdyq birlestigi fılıalynyń oryndaýshylary, t. b. óner kórsetti.
İs-sharada ákimniń orynbasary Núsipova Ásem Bekqyzy qonaqtardy kele jatqan merekemen quttyqtap, ortalyq qyzmet alýshylarynyń shyǵarmashylyq qolónerimen tanysty, sondaı-aq qonaqtarmen áńgimelesti.
"Alataý" ortalyǵynyń konserttik baǵdarlamasy alty nomınasıa boıynsha ótti. "Tanysý" kezeńinde ujym óz aýylyn, "Dastarhan" kezeńinde ulttyq taǵamdardy tanystyrsa, "Sahna" kezeńinde tańdalǵan jerebe boıynsha salt-dástúrlerdi, qazaqtyń ulttyq oıyndary "Arqan tartý", "Qol kúres", "Aq sandyq, kók sandyq", t. b. pash etti.
İs-shara barysynda Almaty qalasy jumyspen qamtý jáne áleýmettik baǵdarlamalar basqarmasynyń basshysy quttyqtaý sóz sóıledi.
"Naýryz merekesimen quttyqtaımyn! Kóktem merekesi - tabıǵattyń jańarýy jáne jańa jyldyń bastalýy. Búgin biz sizder úshin barynsha merekelik atmosferany uıymdastyryp. osy kúnniń kóńil-kúıin jasaýǵa tyrystyq. Barlyq qonaqtarǵa árkez baqyt pen densaýlyq tileımin", - dep atap ótti Almaty qalasy Jumyspen qamtý jáne áleýmettik baǵdarlamalar basqarmasynyń basshysy Toǵyzbaeva Nazıra Asylbekqyzy.
Sol kúni ardagerlerdiń qoldan jasalǵan buıymdary men sýretteriniń kórmesi usynyldy. Bul gazet pleksýsy, kólemdi bıser toqý, keskindeme jáne t.b. Olardy ortalyqtyń qyzmet alýshylarymen birlesip, "Shańyraq" ortalyǵynyń eńbek terapıasy jónindegi nusqaýshysy óz qoldarymen jasaǵan.
İs-sharalar bı, ulttyq oıyndar jáne halyq ánderin oryndaýmen súıemeldendi. Mereke atmosferasyn dastarhan jaıylǵan "Týǵan aýylym" kıiz úıleri men shatyrlary tolyqtyrdy. Konsertten keıin qonaqtarǵa naýryzkóje men baýyrsaqtan dám tatqyzdy. Sońynda ortalyq ardageri qatysýshylarǵa jyly sózdermen jáne tilektermen bata berdi.
Jyl saıyn ár maýsymda Ortalyq qyzmetkerleri merekelik is-sharalar ótkizedi: ardagerlerge jáne áleýmettik osal azamattarǵa arnalǵan konsertter. Munda qyzmet alýshylar ártúrli janrdaǵy qolónermen, qyzyǵýshylyq úıirmelerimen aınalysady, sondaı-aq ońaltý qyzmetterin alady.
İs-sharany jumyspen qamtý jáne áleýmettik baǵdarlamalar basqarmasynyń qoldaýymen "Shańyraq" jáne "Alataý" ortalyqtary, qala kásipkerleri, eriktiler men qoǵam qaıratkerleri uıymdastyrýǵa kómektesti.