«Apple Fest» festıvaline Almaty oblysynyń fermerleri 150 tonna alma ákeledi
Almaty qalasy Kásipkerlik jáne ınvestısıalar basqarmasy Tuńǵysh Prezıdent Parkinde 16-17 qyrkúıekte ótetin «Apple Fest» festıvaline 150 tonna alma jetkizýge Almaty oblysy sharýashylyq qojalyqtarynyń qatysýyn uıymdastyryp otyr.
Aǵymdaǵy jyly Qala kúnin merekeleýge Talǵar, Qarasaı, Eńbekshiqazaq jáne Uıǵyr aýdandarynyń shamamen 45 baý-baqsha seriktestigi qatysatyn bolady. Festıválde barlyǵy almanyń 13 túri, atap aıtqanda, Lımonka, Amerıkanka, Zolotoı prevosqod, Aport, Kandıl, Grýshovka, Aınýr, Saltanat, Melba, Rashıda, Pestrýshka, Gala jáne Rahat sekildi túrleri usynylady.
«Apple Fest» qalalyq festıvali dástúrli mereke bolyp tabylady jáne ol «Qala kúnin» merekeleý sheńberinde 2015 jyldan bastap ótip keledi.