Almatyda 1962 jyly salynǵan «Januıa» kesheniniń apatty jaǵdaıdaǵy ǵımaraty buzylyp, jetim balalarǵa arnalǵan zamanaýı ǵımarat salynady, dep habarlaıdy aqshamnews.kz
«Januıa» MK 2006 jyldan bastap jumys isteıdi, ol jetim balalar men ata-anasynyń qamqorlyǵynsyz qalǵan balalarǵa arnalǵan balalar úıin, 4 jastan 18 jasqa deıingi zıatkerlik kemistigi bar balalarǵa arnalǵan túzetý mektep-ınternatyn qamtıdy.
Qoldanystaǵy ǵımarat 1962 jyly salynǵan jáne qazir apatty jaǵdaıda. Keńes qorytyndysy boıynsha «Januıa» MK basshylyǵy men Almaty qalasynyń bilim basqarmasy keshenniń jańa ǵımaratyn salý ýaqytyna balalardyń kóshý josparyn egjeı-tegjeıli usyndy. Máselen, 82 tárbıelenýshi №1 arnaıy mektep-ınternatqa ornalastyrylady. Kóshý kezinde balalardyń qaýipsizdigin qamtamasyz etý úshin olar 5-10 tamyz aralyǵynda Oqýshylar saraıynyń janyndaǵy «Órnek» lagerinde demalady.
2024-2025 oqý jylynyń basynan bastap «Januıa» MK oqýshylary bilim alady:
- bastaýysh býyn (1-4 synyp) - №2 mektepte 176 oqýshy,
- orta býyn (5-9 synyp) - №43 mektepte 144 oqýshy,
- úıde oqytý – 121 bala,
- kolejderde – 16 stýdent.
«BI Group» qurylys kompanıasy bıznestiń óz qarjysy úshin áleýmettik jaýapkershilik aıasynda eski ǵımaratty buzyp, jańa zamanaýı keshen salýdy josparlap otyr. Jobany 2025 jyldyń sońyna deıin bitirý josparlanyp otyr.
«Qurylys jobasynyń iske asyrylý barysyn máslıhat depýtattarynan, Qoǵamdyq keńes, bilim basqarmasy jáne basqa da múddeli organdardyń ókilderinen turatyn arnaıy komısıa qadaǵalaıdy», - deıdi «Januıa» MK qamqorshylyq keńesiniń tóraǵasy Rafael Gasanov.
Aıta ketetin nárse, 400 oqýshyǵa arnalǵan «Januıa» jańa, zamanaýı mamandandyrylǵan kesheni sol aýmaqta salynady. Sondaı-aq, oqý jáne sport zaldary, kovorkıng ortalyq sıaqty zamanaýı, jaıly 200 oryndyq jataqhana ashý kózdelgen.