Almatynyń Bostandyq aýdanyndaǵy keıbir ǵımaratta ystyq sý men jylý birneshe saǵatqa óshirildi
Bostandyq aýdanynyń Rozybakıev - Qojanov - Gagarın - Korolenko kósheleriniń aýmaǵyndaǵy birqatar turǵyn jáne ózge de ǵımarat magıstraldyq jylý jelisi ýchaskesiniń birindegi apatqa baılanysty jylý berý toqtatyldy.
1976 jyly paıdalanýǵa berilgen dıametri 800 mm qubyrdyń isten shyqty, «Almaty jylý jelileri» JSHS apatty joıýmen aınalysyp jatyr. Atalǵan sektorǵa jylý men ystyq sý berýdi jarym túnge deıin qalpyna keltirý josparlanǵan.
Bul aýdanda turatyn almatylyqtar men qala qonaqtarynan ýaqytsha qolaısyzdyqqa túsinistikpen qaraýyn ótinemiz.
Esterińizge salaıyq, qandaı da bir apat týyndaǵan jaǵdaıda (sý, bý shyǵaryndylary) óz betinshe áreket jasamaı, ony tómende kórsetilgen nómirlerge qońyraý shalý arqyly habarlaýǵa keńes beremiz:
+7 (727) 378-06-65 (táýlik boıy) nemese
+7 (727) 341-07-77 (08:00-den 18:00-ge deıin).
«Almaty jylý jelileri» JSHS