"Anestezıologıa jáne eresekter, balalar reanımatologıasy" mamandyǵy boıynsha 821 bolashaq maman oqytylady
Osy kúnderi Almatyda osy saladaǵy halyqaralyq sarapshylardyń qatysýymen anestezıologtar men reanımatologtardyń VI Kongresi ótti, dep habarlaıdy Almaty-akshamy.kz.
Búgingi tańda anestezıologıa jáne reanımatologıa salasynda zamanaýı tehnologıalardy engizý úshin, jalpy osy qyzmetti qarqyndy damytý jáne medısınalyq kómektiń sapasyn arttyrý úshin QR Densaýlyq saqtaý mınıstrligi "Halyq densaýlyǵy jáne densaýlyq saqtaý júıesi týraly"kodekstiń talaptaryn eskere otyryp, anestezıologıa jáne reanımatologıa boıynsha jańa standartty ázirleýde.
Sonymen qatar, vedomstvo reanımatolog-anestezıologtardyń tapshylyǵyn joıý boıynsha sharalar qabyldaıdy, ol óńirler boıynsha 45-ten 80%-ǵa deıin quraıdy. Qazirgi ýaqytta medısınalyq joǵary oqý oryndarynda "Anestezıologıa jáne eresekter, balalar reanımatologıasy" mamandyǵy boıynsha 821 bolashaq maman oqytylady, ótken jyly osy beıin boıynsha medısına mamandaryn shyǵarý 169 adamdy qurady, 2023 jyly 329 anestezıolog, 2024 jyly-323 maman shyǵarý josparlanýda.
Kongres alańynda "ekstrakorporaldyq detoksıkasıa", "Akýsherliktegi anestezıologıa jáne reanımatologıa", "Anestezıologtardyń jumysy men bilimindegi jańa tehnologıalar" sıaqty ózekti taqyryptar boıynsha plenarlyq otyrystar ótti, onda Izraıldiń jetekshi spıkerleriniń baıandamalary usynyldy. Dáris taqyryptary tájirıbeshi anestezıologtar men reanımatologtar úshin ózekti jáne qyzyqty boldy.
Sondaı-aq, kongres jumysynyń barysynda shuǵyl akýsherlik jaǵdaılarda qarqyndy terapıanyń ózekti máseleleri talqylandy.
Jetekshi mamandar óz baıandamalarynda medısınanyń osy baǵytynda úlken ilgerileýshilik bar ekenin, tıisinshe, turǵan mindetterdiń deńgeıi artyp kele jatqanyn jáne olardy sheshýge jalpy kózqaras jetildirýdi qajet etetinin atap ótti. Forýmǵa qatysýshylar qaýymdastyq úshin problemalardy kóterýge, problemalardyń syndarly sheshimderin birlesip tabýǵa jáne is-qımyl algorıtmderin jasaýǵa múmkindik beretin osyndaı kásibı alańdar ekenine senimdi.
"Anestezıolog – reanımatolog – bul kópbeıindi maman, sondyqtan únemi jańa tásilder týraly habardar bolý óte mańyzdy, al mundaǵy eń jaqsy nusqa - osy nemese basqa zamanaýı jetistikterdi engizgen jáne sátti qoldanǵan áriptestermen qarym-qatynas jasaý", - dep atap ótti QR DSM bas shtattan tys anestezıology, profesor Aǵzam Shaımardanuly Jumadilov.
Forýmnyń jumysyna Izraıl, Ýkraına, Túrkıa jáne Reseıden kelgen sheteldik sarapshylar qatysty.