Almatyda alǵash ret zeınet jasyndaǵy adamdardy jumysqa ornalastyrýǵa arnalǵan «Altyn jas» baǵdarlamasy iske qosylady. Qalanyń Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasovtyń aıtýynsha, 2024 jyly keminde 500 adam, 2025 jyly 1000 adam, 2026 jyly 1500 adam qamtylady, dep habarlaıdy almaty-akshamy.kz.
Baǵdarlama kimge arnalǵan?
Búginde Almatyda 247 myńnan astam zeınetker turady. Zeınet jasyna tolǵan 1 076 almatylyq qatysqan saýalnama qorytyndysy boıynsha 80 jasqa deıingi adamnyń 48%-y jumysty jalǵastyrýǵa nıetti.
«Altyn Jas» baǵdarlamasyna Almaty qalasynda turatyn jáne tirkelgen jasy boıynsha zeınetkerler, sondaı-aq menshik nysanyna qaramastan Almaty qalasynyń jumys berýshileri qatysa alady.
«Altyn jas» baǵdarlamasyn iske asyrý 2024-2028 jyldarǵa josparlanǵan, ótinim 2026 jylǵa deıin qabyldanady. Zeınet jastaǵy adamdardyń qatysý merzimi 36 aıdan aspaıdy. Baǵdarlamanyń ereksheligi qatysýshylarǵa sýbsıdıalanǵan jalaqyny qamtamasyz etý bolyp tabylady. Baǵdarlama boıynsha zeınet jasyndaǵy adamdardyń jalaqysyn tóleý jumys berýshiniń qarajaty esebinen belgilengen jalaqy mólsheriniń keminde 50% kóleminde júrgiziledi jáne jergilikti búdjet qarajatynan sýbsıdıalanady, biraq Qazaqstan Respýblıkasynyń Búdjet kodeksine sáıkes tıisti qarjy jylyna belgilengen bir eń tómengi jalaqydan aspaýy kerek (2024 jyly – 85 myń teńge).
«Altyn jas» baǵdarlamasynyń maqsaty – zeınetke shyqqannan keıin adamdardyń eńbekke belsendi ári nátıjeli aralasýy, jumyspen qamtylǵan halyq sanyn ulǵaıtý jáne tálimgerdiń rólin nyǵaıtý úshin múmkindikter jasaý.
Zeınetkerler qaıda jumys isteı alady?
Qazir 200-ge jýyq jumys berýshi zeınet jasyndaǵy adamdardy jumysqa ornalastyrýǵa nıet bildirdi.
«Mamandyqqa kelsek, negizgi qajettilik densaýlyq saqtaý, bilim berý, ónerkásip salalary, dárigerler, pedagogtar, kishi jáne orta medısınalyq qyzmetker, sonymen qatar, elektrık, monter, ekolog jáne t.b. mamandyqtar», - dedi Baýyrjan Jaýbasov.
Mamandyqtardyń tolyq tizimi áli jasalyp jatyr, keıinirek jarıalanady.
Baǵdarlamaǵa qalaı qatysýǵa bolady?
Jumys berýshi bolsańyz:
- bos jumys ornyn kórsete otyryp, ótinimdi a.jas@almaty.gov.kz elektrondyq poshta arqyly usynady jáne ony Enbek.kz elektrondyq eńbek bırjasynyń onlaın-servısine «zeınetker úshin» belgisimen ornalastyryńyz.
- berilgen ótinimder negizinde Almaty qalasynyń eńbek mobıldiligi ortalyǵy uıymdardyń tizbesin jasaıdy.
- eger sizdiń uıymyńyz jumys berýshiler tizbesine kirse, sizge zeınetkerdi áńgimelesýge jiberedi, sátti ótken jaǵdaıda Qazaqstan Respýblıkasynyń Eńbek kodeksine sáıkes eńbek sharty jasalady
- budan keıin baǵdarlamaǵa qatysýshyny jumysqa qabyldaý týraly buıryqty jáne eńbek shartynyń kóshirmesin Almaty qalasynyń eńbek mobıldiligi ortalyǵyna usynasyz, sondaı-aq qujattardyń skanerlengen kóshirmelerin Enbek.kz.elektrondyq eńbek bırjasynyń onlaın-servısine ornalastyrasyz.
Zeınet jasyndaǵy adam bolsańyz:
- Dostyq dańǵyly, 85, 2 qabat, 201 A kab. mekenjaıy boıynsha Almaty qalasynyń mansap ortalyǵyna nemese a.jas@almaty.gov.kz elektrondyq poshtasy arqyly jumysqa ornalasý týraly ótinishpen júginý qajet.
- Ortalyq qyzmetkerleri túıindeme jasaýǵa jáne jumys berýshiler tizbesine engen uıymdarda qolaıly jumys ornyn tańdaýǵa kómek kórsetedi jáne áńgimelesýge joldama beredi.
- joldama berilgennen keıin Qazaqstan Respýblıkasynyń Eńbek kodeksine sáıkes eńbek sharty jasalatyn jumys berýshimen áńgimelesýden ótý qajet.
Tolyq aqparat alý úshin myna telefonǵa habarlasýǵa 8-727-310-47-82 ishki. 277, sondaı-aq WhatsApp messendjeri arqyly 8 708 961 95 34 jazýǵa bolady.