Almatyda «Taza Qazaqstan» jalpy respýblıkalyq aksıasy jáne «Almaty – bizdiń ortaq úıimiz» naýqanyn jalǵastyrý aıasynda jazǵy ýaqytta «Almaty Jazy» aksıasy bastaldy, dep habarlaıdy almaty-akshamy.kz
26 maýsym men 6 shilde aralyǵynda ótetin «Almaty Jazy» aksıasy barysynda sanıtarlyq maqsatta 6 myńǵa jýyq aǵashty kesý josparlanyp otyr. Bul sharanyń basty maqsaty – apatty jaǵdaıdaǵy aǵashtardy sanıtarlyq maqsatta kesý arqyly qala turǵyndarynyń qaýipsizdigin qamtamasyz etý.
Aǵashtardy sanıtarlyq maqsatta kesý ýaqytyly júrgizilmese, adamǵa jáne múlikke zıan kelýi múmkin. Osyǵan baılanysty aýrý jáne qýraǵan aǵashtardy kesý qatty jel men nóser kezinde butaqtardyń qulaý qaýpin azaıtady. Aksıa barysynda qaýipti eńiste ósken aýrý jáne qýraǵan aǵashtardy kesý qarastyrylǵan.
Kesilgen aǵashtardyń ornyna 10 ese kóp mólsherde kóshet otyrǵyzylady. Bul Almaty qalasy ákimdiginiń erekshe baqylaýynda, jáne qaladaǵy jasyl jelekti saqtaý men kóbeıtýge baǵyttalǵan mańyzdy shara bolyp tabylady.
«Almaty Jazy» is-sharasy Memleket basshysynyń tapsyrmasymen júzege asyrylyp jatqan eldi mekenderdiń aýmaǵyn abattandyrý men kógaldandyrýǵa baǵyttalǵan «Taza Qazaqstan» respýblıkalyq aksıasy aıasynda ótýde. Bul naýqan adamdardyń qorshaǵan ortaǵa uqypty qaraýyn qalyptastyrýǵa, halyq arasynda joǵary azamattyq jaýapkershilikke tárbıeleýge, ekologıalyq mádenıetti arttyrýǵa arnalǵan.