«Almaty Jazy» aksıasy aıasynda 26 maýsymnan 6 shildege deıin qalanyń aýla ishindegi aýmaqtaryn qoqystardan, sondaı-aq alańy 250 sharshy km ózen jaǵalaýlary men sý aıdyndarynyń aýmaqtaryn tazartý jumystaryn júrgizý josparlanýda.
Aýlalar ishindegi aýmaqtarda qoqys konteınerleriniń tez tolýy jaz mezgilinde iri megapolıste ózekti másele bolyp tabylady. Bul problemany sheshý úshin 1 454 konteınerlik alańdy sanıtarlyq óńdeý, olardy jýý jáne dezınfeksıalaý, sondaı-aq 24 747 kóshe jáne aýla ýrnalaryn tazalaý jumystary júrgiziledi.
Sonymen qatar, aýla aýmaqtarynyń sanıtarlyq jáne estetıkalyq jaı-kúıin qamtamasyz etý maqsatynda qoldanystaǵy konteınerlik alańdardy tereńdetilgen konteınerlerge aýystyrý jumystary júrgizilýde. 2024-2025 jyldar aralyǵynda 2 905 jańa konteıner ornatý josparlanǵan. Tereń tıptegi konteınerlerdiń negizgi artyqshylyqtary-estetıkalyq kórinis, qalyptasqan qurylys alańdarynyń qysqarýy, jaǵymsyz ıisterdiń bolmaýy, qustar men qańǵybas janýarlardyń kirýine tosqaýydyń bolýy.
«Almaty Jazy» aksıasy «Taza Qazaqstan» jalpy respýblıkalyq aksıasy aıasynda ótkiziledi jáne jazǵy kezeńde «Almaty – bizdiń ortaq úıimiz» naýqanynyń jalǵasy bolyp tabylady. Onyń basty maqsaty - qalalyq ınfraqurylym men qoǵamdyq múlikke uqypty qaraýdy qalyptastyrý, sondaı-aq jeke ekologıalyq bastamalardy qoldaý jáne olardy iske asyrý úshin jaǵdaı jasaý.