Almaty qalasynda 95 memlekettik qyzmetshiniń tynyǵý ýaqyttary qalpyna keltirildi. Bul shara memlekettik qyzmetkerlerdiń jumys ýaqyty rejımin saqtaý boıynsha quqyqtaryn qorǵaýǵa baǵyttalǵan.
Jumys prosesin ońtaılandyrý, eńbek tıimdiligin arttyrý jáne tapsyrmalardy oryndaý merzimderin saqtaý úshin jumys ýaqytyn naqty josparlaý jáne baqylaý óte mańyzdy. Memlekettik qyzmetshi jumys berýshiniń aktilerine sáıkes laýazymdyq mindetterin oryndaǵan ýaqyt, sondaı-aq eńbek zańnamasyna sáıkes jumys ýaqytyna jatqyzylǵan ózge de ýaqyt kezeńderin jumys ýaqyty dep ataıdy. Jumys ýaqytyn durys uıymdastyrý basshyǵa da, qyzmetkerlerge de birdeı qajet.
Qazaqstan Respýblıkasynyń Memlekettik qyzmet isteri agenttigine 2023 jyldyń naýryz aıynda jumys ýaqyty rejıminiń saqtalýyn monıtorıńileý boıynsha quzyret berý jónindegi zańnamalyq túzetýler engizildi. Bul túzetýler jumys berýshiniń jumys ýaqyty rejımin buzǵany úshin jaýapkershiligin qatańdatýǵa arnalǵan qajetti qural bolyp tabylady. Agenttik Tóraǵasynyń 2023 jylǵy 29 mamyrdaǵy №121 buıryǵymen Memlekettik organdardyń jumys ýaqyty rejıminiń saqtalýyna monıtorıń júrgizý qaǵıdalary bekitildi.
Monıtorıń memlekettik organǵa barmaı-aq turaqty negizde júzege asyrylady. Aqparattyq júıelerde kórsetilgen málimetter, ýákiletti organǵa ne onyń aýmaqtyq bólimshelerine memlekettik organdar usynatyn derekter, qoljetimdilikti baqylaý jáne basqarý júıesiniń derekteri, buqaralyq aqparat quraldarynda jáne áleýmettik jelilerde jarıalanymdar barmaı jumys ýaqyty rejıminiń saqtalýyna monıtorıń jasaý kózi bolyp tabylady.
2024 jyldyń 1 toqsanynda Agenttiktiń Almaty qalasy boıynsha departamenti 15 memlekettik organda jumys ýaqyty rejımin saqtaý monıtorıńi júrgizildi. Nátıjesinde 56 qyzmetkerdiń jumys ýaqyty rejımin saqtaý boıynsha quqyqtary buzylǵan faktileri anyqtaldy. Sonymen qatar, 95 memlekettik qyzmetshige tynyǵý saǵattary berildi.
Agenttik memlekettik organdarda jumys ýaqyty rejımin saqtaý boıynsha monıtorıńti jalǵastyrady. Bul shara qyzmetkerlerdiń quqyqtaryn qorǵaýǵa jáne jumys berýshilerdiń zańnamany tolyq oryndaýyna baǵyttalǵan. Memlekettik qyzmetshilerdiń quqyqtary buzylmaýyn qamtamasyz etý maqsatynda osyndaı monıtorıńter turaqty negizde júrgizilip turady.