Túrkistan oblysynan kelgen 34 jastaǵy azamat ónerkásiptik álpınısik quraldyń kómegimen almatylyqtardyń páterlerin tonap kelgen.
Atalǵan derek QR QK-niń 188-baby 3-bóligimen (Urlyq) tirkelgen qylmystyq is materıaldaryna zattaı aıǵaqtar, onyń ishinde óndiristik álpınızmge arnalǵan qural-jabdyqtar tárkilenip, tirkeldi, dep habarlaıdy Almaty-akshamy.kz Polisia.kz-ke silteme jasap.
«Kúdikti ustalǵanǵa deıin Asqarov kóshesindegi 21 qabatty úıdiń 12-qabatynda ornalasqan páterlerdiń birine “kirgen”. Ol arqanmen shatyrdan túsip, terezeni syndyryp, turǵyn úıge kirgen. Terezeniń ar jaǵyndaǵy beıtanys adam kórshi páterlerdiń turǵyndarynyń kúdigin týdyrmaǵan: olar tereze jýýshy jumys istep jatyr dep oılaǵan. Kúdikti bótenniń páterinen 3 mln teńge bolatyn úı ıesiniń múlkin jymqyrǵan. Biraz ýaqyttan keıin ony qalanyń krımınaldyq polısıasy, Áýezov aýdandyq polısıa basqarmasy jáne polısıanyń arnaıy jasaqtarynyń qyzmetkerleri ustady», – dedi Almaty qalalyq polısıa departamenti bastyǵynyń orynbasary Dıdar Ahanov.
QR QPK-niń 201-babyna sáıkes tergeý múddesin kózdeıtin ózge de málimetter jarıa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.