Almatyda 3 jáne 9 naýryz aralyǵynda kósheler men ınfraqurylymdy tazartý boıynsha aýqymdy jumystar júrgizilýde
Almatyda «Taza Qazaqstan» jalpy respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda kóshelerdi tazartý, qalalyq ınfraqurylymdy retke keltirý jáne zańsyz saýda obektilerin buzý boıynsha aýqymdy jumystar júrgiziledi.
Naýqan bir aıǵa sozylady. Birinshi apta ishinde «Taza kósheler» degen atpen zańsyz ornatylǵan saýda núktelerint jappaı bólshekteý, jalpyǵa ortaq paıdalanylatyn aýmaqtarda jańa ýrnalar ornatý júrgiziletin bolady. Sondaı-aq, magıstraldardy abattandyrý, jol jabyndaryn jóndeý, tańbalaý boıynsha «Qaýipsiz jol» aksıasy ótedi.
Apta ishinde jalpy aýdany 24 m3 jáne uzyndyǵy 2 777 km bolatyn 2 318 kósheni tazalaý jumystary belsendi júrgiziletin bolady. Aıta keteıik, kún saıyn qala kóshelerinen 150 tonnadan astam smeta men kezdeısoq qoqys shyǵarylady. Magıstraldyq kóshelerdi tazartý kúnine eki ret, al aýdandyq mańyzy bar kóshelerdi tazartý kún saıyn júrgiziledi. Komýnaldyq qyzmetter 56 jerasty jáne 78 jerústi jaıaý júrginshiler ótkelderin tazalaıdy, 1765 aıaldama pavılondaryn, 480 baǵdarsham obektilerin, jaryqtandyrý aspaptaryn jýady.
Jalpy, «Almaty – bizdiń ortaq úıimiz» naýqany aıasynda 600-den astam zańsyz stasıonarlyq emes saýda obektilerin (SEO) bólshekteý, 12 myń vandalǵa qarsy ýrna ornatý, 4020-dan astam aýlany abattandyrý, 445 saıabaq pen gúlzardy, ózender men kólderdiń jaǵalaýlaryn tazalaý, sondaı-aq 5 myń aǵash pen buta otyrǵyzý josparlanǵan. Naýqannyń maqsaty-ekologıalyq mádenıetti jáne qorshaǵan ortaǵa uqypty qaraýdy qalyptastyrý.