Almatyda 2025 jyly Úlken Almaty shatqalynyń eń tanymal nysannyń biri – «Alma-Arasan» radon kózin qaıta jańartý josparlanýda. Bul týraly 2025-2027 jyldarǵa arnalǵan qalalyq búdjet qabyldanǵan Almaty máslıhatynyń sesıasynda habarlandy.
Emdik qasıetterimen tanymal bul radon kózi Qazaqstannan ǵana emes, shetelden de týrıser men qala turǵyndaryn ózine tartady. Alaıda jergilikti turǵyndar men týrıser tarapynan ınfraqurylymnyń qazirgi jaǵdaıyna baılanysty kelip túsken kóptegen shaǵymdar men usynystar negizinde aýqymdy jańǵyrtý jumystaryn júrgizý týraly sheshim qabyldandy. Sońǵy jóndeý jumystary 2019 jyly júrgizilgen bolatyn, sodan beri ınfraqurylym zamanaýı qaýipsizdik jáne jaılylyq standarttaryna saı bolý úshin jańartýdy qajet etedi.
Jobada ınfraqurylym nysandaryn tolyq qaıta qurý kózdelgen. Basty sharalardyń qatarynda taıǵanaqqa qarsy qaýipsiz jabyndysy bar jańa kópirler ornatý, joldar men jaıaý júrginshi aımaqtaryn jańartý qarastyrylǵan. Eń qaýipti ýchaskelerde tutqalary bar baspaldaqtar ornatylyp, zaqymdanǵan elementterdi kúsheıtý jáne aýystyrý jumystary júrgiziledi. Budan bólek, barlyq ýchaskeniń tósemderi bolat tormen jasalady, bul jazda da, qysta da qaýipsizdikti qamtamasyz etedi.
Sonymen qatar, joba týrıserdiń jergilikti jerde baǵyt tabýyna jáne radon kóziniń emdik qasıetterimen tanysýyna kómektesetin jańa kórsetkishter men aqparattyq stendterdi ornatýdy qamtıdy.
Jumys aıaqtalǵannan keıin «Alma-Arasan» tek qaýipsiz ári jaıly nysanǵa aınalyp qana qoımaı, ekologıalyq týrızmdi damytýǵa yqpal etetin biregeı týrısik kórneki orynǵa aınalady dep kútilýde.