Almatyda mopedti alǵashqy tirkeý jumystary tabysty aıaqtaldy.
Jas almatylyq óz kóliginiń tehnıkalyq tólqujatyn jáne memlekettik tirkeý nómirin aldy, dep habarlaıdy aqshamnews.kz. Polisia.kz-ke silteme jasap.
– 2024 jyly «Jol qozǵalysy týraly» zańǵa engizilgen túzetýlerdiń negizgi maqsaty – mopedterdi paıdalanýdy retteý. Endi moped júrgizýshileri jol qozǵalysynyń tolyqqandy qatysýshylary bolyp tabylady jáne olarǵa barlyq zań talaptary qoldanylady. 2024 jyldyń 11 qańtarynan bastap pılottyq joba aıasynda mopedterdi tirkeýge ruqsat beretin erejeler kúshine endi. Qazaqstan Respýblıkasy İshki ister mınıstrligi tirkeý úshin qajetti qujattardyń tizimin ázirledi, al mopedtiń jaqtaýynda sáıkestendirý nómiri bolmaǵan jaǵdaıda da tirkeý ońaılatylǵan tártippen júzege asyrylady, – dedi Almaty qalasy PD ákimshilik polısıa basqarmasynyń prosesıng ortalyǵynyń basshysy Aıdyn Merkimbaev.
Aıta keteıik, bıyl sáýir aıynan bastap Ákimshilik quqyq buzýshylyq týraly kodekske moped júrgizýshileriniń jaýapkershiligine qatysty túzetýler engiziledi. Olar A1 sanatyndaǵy júrgizýshi kýáligin alýy tıis jáne basqa da jol qozǵalysy qatysýshylary sıaqty zańdy jaýapkershilikke tartylady.