Bul týraly Bas prokýratýranyń baspasóz qyzmeti habarlady.
Adam óltirý, turǵynjaıǵa qolsuǵylmaýshylyqty buzý jáne zańsyz qarý aınalymy úshin qylmystyq jaýaptylyqqa tartý maqsatynda Qazaqstannyń eki azamaty Reseıden ekstradısıalandy, dep habarlaıdy aqshamnews.kz.
Kúdiktiler 2023 jyldyń qańtarynda Shymkent qalasynda basqa úsh adammen birlesip, jeke arazdyq negizinde tanysyn óltirýdi josparlaǵan.
Oılaryn júzege asyrý maqsatynda kúdiktiler tapansha, metal shybyqtar men bıtalarmen qarýlanyp, qolǵap pen maska kıip, túngi ýaqytta jábirlenýshiniń úıine kelgen.
Olar terezelerdi syndyryp, úıge kirip, jábirlenýshige asa qatygezdikpen kóptegen dene jaraqattaryn keltirgen.
Keıin úıdegi basqa adamdardy uryp-soǵyp, jábirlenýshi ómir belgilerin bermegenine kóz jetkizgen soń, oqıǵa ornynan boı tasalaǵan.
Jábirlenýshi aýyr dene jaraqat saldarynan jedel járdem kóliginde qaıtys bolǵan.
Kúdiktilerdiń ekeýi izin sýytpaı ustalyp, ártúrli jazalarǵa tartylǵan. Al qalǵan úsh kúdikti elden qashyp úlgerip, halyqaralyq izdeýge jarıalanǵan.
2024 jyldyń mamyrynda sybaılastarynyń biri kórshiles elden ekstradısıalanyp, sottaldy.
Qalǵan eki izdeýdegi kúdikti ótken jyldyń shildesinde Reseı Federasıasynyń Máskeý oblysynda ustalyp, Qazaqstan Bas prokýratýrasynyń suraýy boıynsha elge ekstradısıalandy.
Qazirgi tańda kúdiktiler tergeý ızolátoryna qamaldy.
Aıyptalyp otyrǵan qylmystardy jasaǵany úshin olarǵa 15 jyldan 20 jylǵa deıingi merzimge nemese ómir boıyna bas bostandyǵynan aıyrý jazasy qarastyrylǵan.
Osylaısha, atalǵan qylmystarǵa qatysy bar barlyq tulǵalar áshkerelendi.