Mindeti aldanǵan zeınetkerlerden aqsha jınap, sodan keıin mekenjaıǵa jóneltý bolǵan jaldamaly alaıaqty Almatynyń kıberpolısıasy ustady.
Bul – 19 jastaǵy B.esimdi azamat, jergilikti turǵyn. Ustalǵanǵa deıin az ýaqyt buryn er adam 79 jastaǵy ájeıden 1,2 mln teńgeni alyp ketken, dep habarlaıdy Almaty-akshamy.kz Polisia.kz-ke silteme jasap.
Ol bul qarjyny qyzyna jol-kólik oqıǵasynan keıin ota jasaýyna qajet dep aldaǵan.
«Al jaldamaly alaıaqty ustaǵan kezde ol taǵy eki alaıaqtyq tizbegin júzege asyryp jatty: kúdikti “jumys berýshi” kórsetken mekenjaılarǵa baryp, sol jerden zeınetkerlerdiń jıǵandaryn alyp ketý kerek boldy. Osylaısha, biz kem degende eki alaıaqtyqtyń aldyn aldyq. Jedel is-sharanyń osy kezeńinde boljamdy “tapsyrys berýshi” anyqtalyp, ony ustaý sharalary júrgizilýde. Sonymen qatar B.esimdi azamat jasaǵan basqa da yqtımal qylmystyq epızodtar anyqtalyp jatyr. Ol qamaýǵa alyndy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Polısıada sonymen qatar, Almatyda IT-tehnologıalar salasyndaǵy qylmystardy, sonyń ishinde ınternet-alaıaqtyqty ashýǵa jáne tergeýge arnalǵan “Kıberpol” bólimshesiniń jumysynyń pılottyq nusqasynyń iske qosylǵany týraly habarlady. Arnaıy qurylǵan qyzmetke tájirıbeli jedel ýákilder, tergeýshiler men krımınalıster kirdi. Sonymen qatar Almaty qalalyq PD qarttardy aldaý derekteri jıilep ketkeni týraly eske saldy.
Osyǵan baılanysty tártip saqshylary qaýipsizdik sharalaryn eskertedi: 1. Jaqyn týystaryńyz ben dostaryńyzǵa, ásirese, qart adamdarǵa osyndaı alaıaqtyq týraly eskertińiz; 2. Eger sizge polısıa qyzmetkeri qońyraý shalsa, polısıa qyzmetkerleriniń aqsha suraýǵa quqyǵy joq ekenin este saqtańyz. Áńgimelesýdi bastamas buryn suhbattasýshy ózin tanystyrýy kerek (aty-jóni, qyzmeti, laýazymy, jumys orny). Bul aqparatty “102” arnasynda tekserýińiz kerek; 3. Beıtanys adam telefon soqsa, onyń sizge neni jáne qalaı aıtqysy keletinine nazar aýdaryńyz. Alaıaqtar, ádette, asyqtyrýǵa, shatastyrýǵa, yqtımal zardaptarmen qorqytýǵa tyrysady.