Almatyda polıseılerdiń atyn jamylyp alaıaqtyq jasady degen kúdikpen bir top adam ustaldy.
Almatyda polısıa qyzmetkerleri alaıaqtyq jasady degen kúdikke ilingen toptyń áreketin toqtatty, dep habarlaıdy aqshamnews.kz Polisia.kz-ke silteme jasap.
Tergeýdiń málimetinshe, kúdiktiler ózderin tártip saqshylary retinde tanystyryp, qylmystyq jaýapkershilikke tartamyz dep qorqytyp, jergilikti turǵynnyń qolma-qol aqshasy men kóligin ıemdengen. Keltirilgen shyǵyn sommasy 12 mıllıon teńgeden asty. Atalǵan derek boıynsha qylmystyq is qozǵaldy. Almaty qalasy men Almaty oblysy polısıa bólimsheleriniń birlesip júrgizilgen maqsatty jedel-izdestirý sharalarynyń nátıjesinde alty adam ustaldy. Tintý kezinde jalǵan qyzmettik kýálikter, prosesýaldyq qujat blankileri, nysandy kıim elementteri, oq-dáriler, mórler, sýyq qarýlar, sondaı-aq túrli elderden kelgen memlekettik nómir belgileri tárkilendi. Barlyq kúdikti ýaqytsha ustaý ızolátoryna qamaldy. Tergeý jalǵasyp jatyr.
— Mundaı qylmyspen kúresý - bizdiń jumysymyzdyń basym baǵyty bolyp tabylady. Biz jábirlenýshiniń aryzyna jedel den qoıyp, maqsatty is-sharalar uıymdastyryp, kúdiktilerdi ustadyq, - dedi, Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.