*Almatydaǵy ál-Farabı dańǵylyndaǵy jóndeý jumystary jalǵasýda: birneshe ýchaskelerde jol jumystary aıaqtaldy*
Almatyda ál-Farabı dańǵylynyń kólik magıstrali boıynsha jol jumystary kestege sáıkes júrgiziledi jáne oqý jyly bastalǵanǵa deıin aıaqtalady. Qazirgi ýaqytta Toraıǵyrov kóshesinen Esentaı ózeni arqyly ótetin kópirge deıingi dańǵyldyń ońtústik jaǵynda jóndeý jumystary aıaqtaldy – qozǵalys ashyq. Esentaı ózeni arqyly ótetin kópirden Batys Jeltoqsan kóshesine deıingi ýchaskedegi qozǵalys 16 shilde kúni tańerteń ashylady, dep habarlaıdy Almaty -akshamy. kz.
Kelesi kezeń - ál-Farabı dańǵyly boıynsha Batys Jeltoqsan kóshesinen SHAAJ deıingi ýchaskede jol jumystaryn júrgizý.
Jol qozǵalysy qaýipsizdigin qamtamasyz etý jáne ótkizý qabiletin arttyrý úshin mynadaı sharalar qabyldanatyn bolady:
- 16 shildede saǵat 23-00-den 18 shildede saǵat 07-00-ge deıin dańǵyldyń ońtústik jaǵynda qozǵalystyń tolyq jabylýymen polımerli asfáltbeton tóseý jumystary júrgiziletin bolady;
-saǵat 07-00-den 21-00-ge deıin 17 shildede ál-Farabı dańǵylynyń soltústik jaǵynan Batys Jeltoqsan kóshesinen SHAAJ deıin keri qozǵalys arqyly kólik quraldaryn burý uıymdastyrylady. ál-Farabı dańǵylyndaǵy batys jáne shyǵys baǵyttardaǵy qozǵalys jolaqtarynyń sanyn qalyptasqan kólik jaǵdaıynan patrúldik polısıa qyzmetkerleri aıqyndaıtyn bolady;
- táýliktiń qarańǵy ýaqytynda jol-kólik oqıǵalaryn boldyrmaý úshin 17 shilde saǵat 21-00-den 18 shilde saǵat 07-00-ge deıin Ál-Farabı dańǵylymen shyǵys baǵytta (Batys Jeltoqsan kóshesinen) kólik qozǵalysy tolyǵymen jabylady.
- 16 shilde saǵat 23-00-den 18 shilde saǵat 7-00-ge deıin Nazarbaev dańǵylynan ál-Farabı dańǵylyna shyǵys baǵytta ótý, Meńdiqulov býlvaryna ońtústik baǵytta kirý-shyǵý shekteledi, aınalma jol Qajymuqan kóshesi boıynsha tıisti aınalma sqemasyn ornata otyryp uıymdastyrylady.
-ál-Farabı dańǵylynan Seıfýllın dańǵylyna jáne Nazarbaev dańǵylyna deıingi sıezer boıynsha kólik qozǵalysy jabylý kezeńinde shtattyq rejımde júzege asyrylatyn bolady.
Patrúldik polısıanyń 6 ekıpajy qozǵalys qatysýshylarynyń qaýipsizdigin qamtamasyz etedi, sondaı-aq 40 km/saǵat jyldamdyqty shekteý belgilerin belgileıdi, jolaqtar boıynsha bólý konýstyq shaǵylystyratyn chıptermen belgilenedi. Reversıvti qozǵalys bastalmas buryn, eki jaǵynda da kólik aǵyndaryn bóletin metal týrnıketter bolady. Jóndeý jumystaryn júrgizý ýchaskeleri týraly ózekti aqparat Qala ákimdigi men qalalyq mobıldilik basqarmasynyń resmı betterinde, sondaı-aq GAJ 2-qosymshasynda qoljetimdi bolady.
Esterińizge sala keteıik, Almatydaǵy magıstraldyq kóshelerdiń jol tósemin jóndeý jumystary alǵash ret jańa tehnologıalardy qoldanýmen júrgizilýde. Asfáltbetondardyń quramynda polımerler qoldanylady. Mundaı qospalar tozýǵa tózimdi, jumsartý temperatýrasy joǵary (65-70°C), sondyqtan ystyqqa kóp áser etpesten ońaı tótep bere alady, áldeqaıda uzaǵyraq qyzmet etedi – Qazirgi 5 jyl jumys isteýdiń ornyna 8-10 jyl.
Jóndeý jumystary 2023 jylǵa josparlanǵan jumystar aıasynda júrgizilýde. Ýaqytsha qolaısyzdyqtar úshin keshirim suraımyz. Bul qalanyń joldary bizge uzaǵyraq qyzmet etýi úshin qajetti shara. Marshrýtty aldyn ala túzetýdi suraımyz.