Sýretshiler odaǵynyń 90 jyldyǵy
6 mamyr saǵat 15.00-de QR Memlekettik ortalyq mýzeıinde QR Sýretshiler odaǵynyń 90 jyldyǵyna arnalǵan «Akvareldi fresh» kórmesiniń ashylýy ótedi, dep habarlaıdy Almaty-akshamy.kz.
Bul - «Iablonevaıa palıtra» qaýymdastyǵynyń mýzeımen birlesip uıymdastyryp otyrǵan ekinshi kórkem kórmesi, oǵan Qazaqstannyń belgili akvarel sýretshileri qatysady.
Akvarel boıaýy – keskindemedegi kúrdeli ádisterdiń biri. Akvarel mınımaldy quraldar men maksımaldy mánerlikti qoldana otyryp, álemdi barlyq tústerde, názik túrde kórsete alady. Bul - jeńil, qozǵalmaly keskindeme, ol erekshe sheberlik pen shydamdylyqty qajet etedi.
Akvarel kórmeleri Qazaqstanda sırek uıymdastyrylady. Sońǵy kezderi akvarel shyǵarmashylyǵyna tek sýretshiler ǵana emes, sonymen qatar kelýshiler de qyzyǵýshylyq tanytatynyn baıqaýǵa bolady.
Qatysýshylar qatarynda belgili sýretshiler, qazaq óneriniń qaıratkerleri, Qazaqstan Respýblıkasy Sýretshiler odaǵynyń músheleri, Óner akademıasynyń akademıkteri, sýretshi-pedagogtar: Toqqoja Kojaǵulov, Asqar Beıshekeev, Asıa Haırýllına, Lıdıa Drozdova, Marlan Nysanbaev, Maksım Vedernıkov, Evgenıa Vedernıkova, Aleksandr Osıpov, Kanagat Kodekov, Kantarbaev Maksat, Rashıd Qulbatyrov, Igor Gýshın, Popova Elena, Iýrıı Býrmıstrov, Dına Gaıtova, Vera Malysheva, Dınara Murataeva, Kamılla Lapteva, Eldos Azamatuly, Raýan Súleımenov, Olga Salkova, Elena Panına, Irına Kıanova, Elena Babıch, Iýrıı Harchenko, Elızaveta Antropova, Iýlıa Voloshına, Janara Perýdjını, Marına Grechkına, Anna Hrıstova, Saltanat Japarova, Aıgerım Oral, Sergeı Babákov, Bababek Salaýatov, Irına Balan, Asel Qalıeva, Arına Zyránova, Marına Kım, Aleksandra Efanova, Quralaı Ýmbetova, Anastasıa Mınaeva, Gúlsúm Toqbaeva, Gaýhar Júnisova, Anna Serbenko, Altynaı Sharıpova, Elena Belova, Kúmisaı Sharıpova, Galına Shepeleva, Elena Abıleva, Dıana Shaıheslámova, taǵy basqalarynyń 100-den astam týyndylary usynylady.
Kórmeniń tujyrymdamasy kelesi maqsattardy kózdeıdi: akvareldik keskindemeniń ártúrli janrlary men stılderiniń tutas spektrin kórsetý; qazirgi zamanǵy daryndy akvarelshilerdi anyqtaý, olardyń ádemi, kóp eńbekti qajet etetin jumystaryn qoldaý jáne Qazaqstannyń ár óńirinen kelgen akvarel sýretshileriniń ónerin keńinen nasıhattaý.
Bıyl Qazaqstan Respýblıkasynyń Sýretshiler odaǵy 90 jyldyq mereıtoıyn atap ótýde. Al búgingi kún osyndaı akvareldi kórmeniń ashylýymen este qalatynymen qýantady. Sondaı-aq, ekspozısıalar akvareldi óner janashyrlarynyń kóńilderinen shyǵatyny da sózsiz.