Almaty qalasynda 2 sáýir kúni tańǵy ýaqytta Jetisý aýdanyndaǵy Novgorodskaıa kóshesinde ornalasqan alty qabatty ákimshilik ǵımarattan órt shyqty. Jalyn ǵımarattyń shatyry men syrtqy qaptamasyn sharpyǵan. Órt jeńil tutanǵysh materıaldardyń bolýy sebepti jyldam taralǵan. Bul týraly Aqshamnews.kz saıty habarlaıdy.
Tótenshe jaǵdaı ornyna 25 arnaıy tehnıka men 85 órt sóndirýshi dereý tartyldy. Sonymen qatar, órtti sóndirýge birqatar memlekettik emes uıymdar da kómek kórsetti. Atap aıtqanda, «Almaty Sý» mekemesi órt sóndirý úshin sýdy úzdiksiz jetkizip otyrdy. Bul órttiń aýqymdy aýmaqqa jaıylyp ketýiniń aldyn alýǵa kómektesti.
Oqıǵa ornynda jedel basqarý shtaby jumys istedi. MCHS málimetine sáıkes, órt sóndirýshilerdiń jedel jáne úılesimdi áreketiniń nátıjesinde ottyń keńinen taralýyna jol berilmegen. Qyzyl jalyn tolyqtaı aýyzdyqtaldy. Baqytymyzǵa oraı, adam shyǵyny men jaraqat alǵandar joq.
«Oqıǵa ornynda jedel shtab quryldy. Sý úzdiksiz jetkizilip otyrdy. Órt tolyq sóndirildi. Zardap shekkender joq», – delingen QR Tótenshe jaǵdaılar mınıstrliginiń resmı habarlamasynda.
