Daewoo Nexia avtokóliginiń júrgizýshisi jalpy somasy 1 mln 478 myń 706 teńgeni quraıtyn JQE buzǵan.
Jergilikti polısıa qyzmetiniń málimetinshe, ol atalǵan aıyppuldardy tólemegen, dep habarlaıdy Almaty-akshamy.kz Polisia.kz-ke silteme jasap.
«Bul júrgizýshi Abaı dańǵyly men Manas kósheleriniń qıylysynda ákimshilik aıyppuldary tólenbegen kólik quraldaryn basqaratyn júrgizýshilerdi anyqtaýǵa baǵyttalǵan profılaktıkalyq is-shara aıasynda ustaldy. Aqparattyq bazadan belgili bolǵandaı, júrgizýshi jyldamdyqty buzyp, qoǵamdyq kólik jolaǵyna shyǵyp, jol belgileri men tańbalaý talaptaryn buzǵan. Qajetti qujattar toltyrylǵan soń kólik mamandandyrylǵan aıyppul turaǵyna qoıyldy», — dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Sonymen qatar qala polıseıleri azamattarǵa ákimshilik aıyppuldardy der kezinde tóleýdi usynyp otyr. Al, jol qozǵalysy qaýipsizdigin qamtamasyz etý salasyndaǵy zańnamada máseleler týyndamaýdyń eń jaqsy joly – jol qozǵalysy erejelerin qatań saqtaý.