Joba maqsaty - uly dombyrashy, kompozıtor Qurmanǵazy Saǵyrbaıulynyń murasyn dáripteý jáne Uly dalanyń Uly esimderiniń zamanaýı galereıasyn qalyptastyrý.
Almaty qalasy qoǵamdyq damý basqarmasynyń Qoǵamdyq damý ortalyǵy «Open air: Qurmanǵazy» jobasyn ótkizedi, dep habarlaıdy Almaty-akshamy.kz
Joba aıasynda 7-8 maýsym kúnderi ashyq aspan astynda «Aıtys» jáne «Kúı tartys» is-sharalary ótedi.
Joba qatysýshylary - shyǵarmashylyq JOO-nyń jastary, onyń ishinde Qurmanǵazy atyndaǵy Qazaq Ulttyq konservatorıasy men T. Júrgenov atyndaǵy Qazaq Ulttyq óner akademıasynyń jastary, sondaı-aq dástúrli mýzyka áýesqoılary.
Respýblıkalyq jáne halyqaralyq konkýrsqa qatysqan oryndaýshylar óz ónerlerin ortaǵa salady.
Aıtys – aýyz ádebıetinde erteden qalyptasqan poetıkalyq janr, aqyndar aıtysy, aýyzsha jyr poezıasynyń bir túri.
Aıtys 4 baǵytta ótedi: «Qyz ben jigit aıtysy», «Qaljyń aıtys», «Shoý aıtys», «Jumbaq aıtys».
Kúı tartys – kúıshilerdiń ózara mýzykalyq tildesýi, zamanaýı tilmen aıtqanda, úsh túrli formattaǵy battl:
- qazaq-qyrǵyz kúı tartysy;
- juptyq kúı tartys;
- toptyq kúı tartys.
Kúni, ýaqyty, ótetin orny:
- Aıtys – 7 maýsym saǵ.15:00, «Mega Park» oıyn-saýyq ortalyǵy, amfıteatr, Seıfýllın dańǵyly, 483.
- Kúı tartys – 8 maýsym saǵ.15:00, «Qurmanǵazy atyndaǵy Qazaq Ulttyq konservatorıa» alańy, Abylaı han dańǵyly, 88.
«Open air: Qurmanǵazy» is-sharalary kórermender úshin tegin.
Baılanys:
+7 747 463 0125
+7 777 135 5561
oztandauyn@gmail.com