Bul týraly Sybaılas jemqorlyqqa qarsy is-qımyl agenttigi habarlady.
Tizimde Double Tree by Hilton Almaty qonaqúıi de bar, dep habarlaıdy Almaty-akshamy.kz
"Qaırat Satybaldyulyna qatysty salyq tólemeý jáne qylmystyq kiristerdi zańdastyrýǵa baılanysty qylmystardyń basqa epızodtary boıynsha tergeý jalǵasyp jatyr. Tergeý barysynda zańsyz shyǵarylǵan aktıvterdi, sondaı-aq qylmystyq qarajatqa satyp alynǵan múlikti qaıtarý boıynsha sharalar qabyldanady", - deıdi Antıkor.
Zalaldy óteý maqsatynda bıznes-ortalyqtar, ákimshilik ǵımarattar, komersıalyq úı-jaılar, úıler, páterler, aıaqtalmaǵan qurylys nysandary, jer ýchaskeleri, eksklúzıvti zergerlik buıymdar, lúks kólikter men aqshalaı qarajattar memleketke beriledi.
"Olardyń qataryna 2021 jyldyń qarasha aıynda Satybaldyulymen baılanysty kásiporyn satyp alǵan "Double Tree by Hilton Almaty" qonaqúıi kiredi. Qazirgi ýaqytta osy obektini memleket menshigine qaıtarý aıaqtalyp jatyr", - dedi vedomstvo.
Satybaldyuly qazirgi ýaqytta túzeý mekemesinde jazasyn ótep jatyr.