Mınıstrlik atalǵan jaıt boıynsha tekserý barysyn jarıalady.
Epıdemıologıalyq ahýaldyń monıtorıńi barysynda Almaty qalasynyń JITS-tiń aldyn alý jáne oǵan qarsy kúres ortalyǵy Almaty qalasynyń Ortalyq qalalyq klınıkalyq aýrýhanasynda emdelip jatqan AITV-nyń oń mártebesi bar 3 pasıentti anyqtady.
Quramyna Qazaqstan Respýblıkasy Densaýlyq saqtaý mınıstrligi Sanıtarıalyq-epıdemıologıalyq baqylaý komıteti ortalyq apparatynyń jáne Medısınalyq jáne farmasevtıkalyq baqylaý komıtetiniń jáne olardyń aýmaqtyq bólimsheleriniń mamandary, sondaı-aq beıindi mamandar engizilgen komısıa aǵymdaǵy jyldyń 14 maýsymynan bastap osy oqıǵany tekserýdi bastady.
Tekserý sheńberinde pasıentterdiń baǵyty belgilenedi, OKQA-da kórsetiletin medısınalyq qyzmetterdiń kólemi men sapasy jáne pasıentter emdeýge jatqyzylǵan bólimshelerde medısınalyq kómek kórsetýge baılanysty ınfeksıalardyń profılaktıkasy boıynsha ınfeksıalyq baqylaýdyń saqtalý monıtorıńi baǵalanady.
Tekserý barysynda barlyq pasıentter 2023 jyldyń sáýir aıynda OKQA-nyń birneshe bólimshelerinde medısınalyq kómek alǵany anyqtaldy.
Qazirgi ýaqytta pasıentterdiń marshrýtyn eskere otyryp, baılanys sheńberi belgilenýde. Búgingi tańda 593 baılanysta bolǵan adamnan AITV-ǵa tekserý úshin materıal alyndy,onyń 419-y teris, qalǵan 174-i jumysta.
Densaýlyq saqtaý mınıstrligi isterdi tekserý barysyn erekshe baqylaýda ustaıdy jáne bul týraly jurtshylyqty únemi habardar etip otyrady.